Bunı Qırım reintegratsiya Assotsiatsiyası haber etti.

Suv resurslarınnen idare etüv probleması tamır halqnen de bağlı.  Muzakere etkende, Assotsiatsiya devletara qavğalarğa diqqatını celp etti. Bu - rus tecavuzı ve onnen bağlı negativ kerçekler,  misal olaraq kolonizatsiya, askerleşüv ve devlet içinde koçuvler. 

“Mesleatnıñ iştiraqçiları Rusiye nezaretı astında olğan “Qırımnıñ suvı” strukturada olğan kütleviy qabarcılıqnıñ kerçeklerinnen meraqlandılar. Bu kerçeklerinı öz ayrı talilinde Assotsiatsiya dotsenti, ekspert Andriy Çvalük azırladı”, - haberde aytıla.

Babin  mesleatlar devamında ifadeledi ki,  Rusiyenen işğal etilgen Qırımda, suv resurlarnen idare etüv organlarına tamır halqnıñ vekilleri yoq. Daa o qırımdaki zaif suv zonalarnıñ problemalarını hatırlattı, ve suv buhranı sebebinden Rusiyenıñ Avropalı insan aqlar mahkemesine ve başqa uquq strukturalarına  qalp etilgen davalarnıñ sualini köterdi. 

Assotsiyaatsiya vekili Rusiyege, Qırımnı işğal etken devletine dair General Assambleyanıñ  76/179 rezolütsiyasına qayd etilgen talaplarnıñ müimligini ifadeledi.

“Şimdiki vaqıtında bu vesiqa Rusiye Federatsiyanı işğal etilgen Qırımnıñ ealesi içün tatlı suv resurslarını adaletli bölmege ve kerekeli yaşayış şartlarını temin etmege mecburlay; Rusiye, işğalci devlet olaraq, episi Qırım sakinlerini havfsız tatlı suvnen teminlemek ve maişiy qullanuv içün suvnıñ kerekli miqdarına irişimini kefal etmege mecbur”, - Assotsiatsiyada ayttılar. 

Daa ekspert mesleat iştiraqçilarına haber etti ki,  rus işğalcilar Beşterek-Zuyadaki suv anbarına “Simens” ve "Grundfos" nasoslarnen qullanalar. Bu tamır halqnıñ vekilleri yaşağan yerlerde unikal özen ekosistemalarını boza. 

Danimarka ve Almaniya uyğun kompaniyalarını sanktsiyalar astında olğan aletlernıñ taminı sebepten cezalamağa ve fedalarğa para ödevını bermege red ettiler. Mesleat iştiraqçiları bunı raatsızlanıp qayd ettiler. 

Professor Babin bulunğan insanlarnıñ diqqatını 2021 senesi qayd etilgen Ukraina tamır halqları aqqında qanunına, Assotsiatsiyanıñ ve Qırımtatar Resurs Merkezinin (QRM) faaliyetine celp  etti.  Uyğun qanuniy senetlernıñ yaratuvı qırımtatar milliy Meclisnıñ vekillerine suv resurslarnıñ idare etüvine bağışlanğan mesleatlarına iştiraq etmege imkân berecekler”, - haberde aytıla. 

Assotsiatsiya vekili BHT maruzacısına QRM ve Assotsiatsiya ekspertlernıñ yardımı ile “Qırım. Suvsızlıq” adlı vesiqalı filmnı taqdim etti.  Anda Qırımdaki zemaneviy suv buhranınıñ sebepleri ve neticeleri tasvir etileler.

Şu zamanda BHT Maruzacısınna yollanğan Rusiyenıñ cevabı formal edi; anda aslında işğal etilgen Qırımnı añmadılar, Rusiyenıñ ve onıñ nezaretı astında olğan strukturalarnıñ vekilleri suv aqına bağışlanğan BHT-nıñ mesleatlarına iştiraq etmediler.

Suv aqqı aqqında Mahsus maruzacınıñ uyğun esabatları insan  BHT Şurasına ve General Assambleyağa 2022 senenin ilk küz-ekim aylarda yollaycaqlar. 

Bizni Telegram’da oquñız