Bunı The Sun haber etti.

“Talilçiler aytalar ki,  Putin kelecek on kün devamında Ukrainağa ucumlanmağa ola bile. Belki devlet merkezinde yaşağan üç million nesiline ucum etilecek”, - haberde aytıla.

Neşirde yazıla ki, Büyük Britaniyanıñ prekmyer naziri Boris Conson beyan etti ki,  “Ukraina sınırlarında 60 rus cenkâver gruppaları bulunalar”, Kiyevnı ğayıp etmege olğan “yıldırım planını” ise er kez bile. 

“Yoldaş resimlerde körüne ki,  sınır boyu biñler askerler ve arbiy tehnika buluna.  Putin komandanlığı şiddetli qış suvuqlarını bekley. Topraq buzlasa,  ucumını başlamağa ola bileler. Keçken gecesi Ukrainada ava arareti -8°C tuştı”, - ava tahminnen kelişip, The Sun haber ete.

The Sun

Haritada körüne ki, Rusiye prezidentnıñ Volodimir Putinnıñ orduları işğal etilgen Qırımnıñ tarafından Ukrainanıñ cenübine kirmege ola bileler.

Neşir Büyük Britaniyanıñ premyer-nazirnıñ sözlerine bağlanıp,  haber ete ki, istihbaratnıñ qorqula malümatlarına baqmayıp “aqılnıñ ğalebe qazanmağa imkânı bar,  lâkin cenk başlansa, Ukraina yañı Çeçnânen olacaq, çünki ukrainler küreşsız teslim olmacaqlar”.

“Biz Kremlge, Rusiyege añlatmağa mecburmız, Ukrainada cenk başlansa, bu qorquzlı yıl oladajq. Ukrainağa ucum azaplv, qanlı ve çoq fedalı olacaq. Rusiye sakinleri añlamağa mecburlar ki,  bu olarnıñ yañı Çeçnâları olacaq”, - Conson ayttı

Belli malümatlar

• Yanvar aynıñ 24 AQŞ Devletdeaprtamentı Ukrainadki yelçihanesinde çalışqan amerikalı qorantalarına  rus tecavuznıñ kerginleşüvi sebepten devletten ketmege qarar çıqardı. Ukraina Tış işler Nazirligine bu qararını vaqtından evel olğan sayalar. Büyük Britaniya de öz diplomatlarını çıqara.
• AQŞ prezidenti Co Bayden ve avropalı devletlernıñ liderleri Rusiyege qarşı “sanktsiyalar paketini” azırlaylar. Bunı The Mirror haber etti.  Liderler qayd ettiler ki, nevbetten tış vazife - diplomatik aytışmalardır. Lâkin Ukrainağa qarşı tercavuz kerginleşse, Moskva iqtisadiy taraftan çoq zarar körecek. 
• Pentagonda Rusiyenıñ Ukrainağa qarşı imkânı olğan tecavuzı sebebinden tedbirlerini azırlaylar.
• Rusiye Ukraina sınırına arbiy helikopterlerini ketirmege başladı. Bu adim isbatlay ki, ucumnıñ azırluvı devam ete. Rus askerlernıñ sınırda sayısı soñki aftalar devamında denişmesiz qala.
• AQŞ vitseprezidenti Kamala Garris beyan etti ki, Ştatlar Rusiye prezidentini Volodimir Putinni tenbilediler ki, eger RF qarşi  Ukrainağa qarşi yañi tecavuziy areketlerini başlasa, AQŞ  yañi sanktsiyalarini qayd etmege azir.  Areketteki memuriette vitseprezident tiş siyasiy suallerini tasvir etmey. Bu Ukrainağa qarşi rus tecavuzi sebebinden birinci beyanati ola. 

Bizni Telegram’da oquñız