Rusiyenıñ Ukrainağa qarşı tecavuziy areketlerine qattı reaktsiyanıñ olmağanı global neticelerge ketirecek - Blinken
AQŞ devlet kâtibi Entoni Blinken fikir ete ki, Ğarp Rusiyenıñ Ukrainağa ve bu regionda olğan başqa devletlerge qarşı siyasetine qattı reaktsiya bermege mecbur, çünki tek böyle areketleri ile global neticelerinden qaçinmaq mümkün. O Ukrainada, Gürçistanda ve Moldovada yapılğan areketleri sebebinden Rusiyenı halqara munasibetlernıñ esas printsiplernıñ bozuvine qabaatladı.
Bunı "Іnterfaks-Ükriїna" haber etti.
Blinken beyan etti ki, Ştatlarnıñ Ukraina sebebinden raatsızlığını, Ukrainanıñ mustaqılligine printsiplerini diqqatqa almasan de, halqara munasibetlernıñ esas printsipleri bar. Olarğa köre tınçlığını saqlamağa ve qavğalardan qaçinmağa kerek.
“Bu halqara munasibetlernıñ esas printsiplerini bozmağa bersek, biz Pandora sandığını açip, dünyanı telükege oğratacamız. Bu bizni qvğalar devirine qaytaracaq. Bu sebepten, Ukrainanıñ qısmetinden, Aropanıñ Rusiyenen ve AQŞ Rusiyenen munasibetlerden yuqarı meseleler bar. Bunıñ global neticeleri ola bileler”, - ifadeledi.
Şimdiki vaqıtında olğan Moskvanıñ Ukrainağa qarşı siyasetini o böyle añlattı. “Rusiye Ukrainanı coymağa qorqa”, çünki Kiyev “denişmeler ve demokratiya yoluna turdı”.
Blinken kene de hatırlattı ki, Rusiyenıñ Ğarpnen eki yollu munasibetleri ola bileler: diplomatiya yolı ya da Ukrainağa ucumnıñ neticeleri yolı. O qoştı ki, AQ ve olarnıñ ortaqları “birinci” yönelişni begeneler, bu mevzu ile Rusiyenen yaqında aytışmalar keçirilgen ediler.
Daa oquñız: AB Qırımnıñ işğali sebebinden Rusiyege qarşı sanktsiyalarını kenişlemek niyet ete - Spiegel
Şu zamanda AQŞ prezidenti Co Bayden ve avropalı devletlernıñ liderleri Rusiyege qarşı “sanktsiyalar paketini” azırlaylar. Bunı The Mirror haber etti. Liderler qayd ettiler ki, nevbetten tış vazife - diplomatik aytışmalardır. Lâkin Ukrainağa qarşı tercavuz kerginleşse, Moskva iqtisadiy taraftan çoq zarar körecek. Daa olar keliştiler ki, halqara cemiyet Ukraina suverenitetini bozğan areketlerini yapmamaq mecbur.
Bayden virtual şekilde Büyük Britaniya, İtaliya, Lehistan, Frenkistan, Almaniya, Avropa Şurası, Avropalı komissiya ve NATO vekillerinnen körüşip, Ukrainanı Muzakere ete ediler.
“Eger Rusiye Ukrainağa ucumlansa, ortaqlar acele cezalav areketlerini yapmağa mecburlar. Areketler arasında sanktsiyalar paketnıñ qabul etüvi. Olar böyle cevabını bermek içün, öz areketlerini uyğunlaştırmağa qarar çıqardılar”, - haberde aytıla.
Dauning-strit vekili beyan etti ki, liderler Rusiyenıñ ösken duşmanlağı çerçivisinde halqara umumiyliknıñ müimliginnen razı oldılar.
“Premyer-nazir (Büyük Britaniyanıñ premyer-naziri Boris Conson - red.) rus tecavuznıñ zararını bildirtti ve ayttı ki, böyle neticelerini qaçirtmaq içün, episi kerekli adimlerini yapmağa kerek”, - qayd etti.
Belli malümatlar
- Şu zamanda 8500 amerikalaı askerler yuqarı cenkâver azırlıq derecede bulunalar. Olarnı NATO quvetleştirmek içün Avropağa yollamağa ola bileler. Pentagonda añlattırdılar ki, Rusiyege böyle usullar ile ortaqlarına imdatını añlatalar.
Bizni Telegram’da oquñız
