Avropa birligi şimdiki vaqıtında Ukrainadan diplomatlarnıñ qorantalarını tahliye etmege niyet etmey - Börrel
AŞ tış ve telükesizlik siyaseti suallerden Yuqarı vekili beyan etti ki, şimdiki vaqıtında silâlı ucumcan qorqıp, misal olaraq, AQŞ ve Büyük Britaniya yapqanları kibi, diplomatlarını Ukrainadan alıp ketmege sebepler yoq. O vaziyetini drmatizmsız qıymet etmege çağırttı. Rusiyenen aytışmalar ise devam eteler.
DW malümatlarına köre, bunı o AB Şurasına, Brükselde kelgende haber etti.
“Men bellesem, aytışmalar devamında böyle qararlarını çıqarmağa ve Ukrainadan ketmege keregi yoq. Şimdiki vaqıtında avropalı diplomatlarnıñ Ukrainadan tahliye etüvi aqqında qarar yoq. Lâkin belki devlet kâtibnıñ Blinkenıñ çoqça malümatları bar ve o bu malümatlarnen biznen paylaşacaq”, - Börrel ayttı.
Tış işler nazirlernıñ oturuşnıñ merkeziy mevzunen Rusiye ve Ukraina sınırında olğan vaziyeti çerçivisinde Avropadaki devletlerine telükesizligi olacaq. AQŞ devlet kâtibi Entoni Blinken AB devletlernıñ TİN subetlrine videobağlanuv ile qoşulacaq.
“Devlet kâtibi Blinken bu bildirüvnıñ sebeplerini añlatacaq. Biz bu qararanıñ kerçek sebeplerini bilmeyiq, bu sebepten bu areketlerge qoşulmayıq”, - AB Yuqarı vekili qayd etti.
Belli malümatlar
- Yanvar aynıñ 24 AQŞ Devletdeaprtamentı Ukrainadki yelçihanesinde çalışqan amerikalı qorantalarına rus tecavuznıñ kerginleşüvi sebepten devletten ketmege qarar çıqardı. Ukraina Tış işler Nazirligine bu qararını vaqtından evel olğan sayalar. Büyük Britaniya de öz diplomatlarını çıqara.
Bizni Telegram’da oquñız
