Uyğun qarar yanvar aynıñ 24 AQŞ saytına peyda oldı.

AQŞ

Ketüvnıñ sebebi “Rusiye tarafından kerginleşken tecavuz” oldı. Diplomatlarğa gonulli, qanuniy çıqmasına razılıq berdiler. Olar böyle qararını özleri çıqarmağa ola bileler.  Yelçihanenıñ esas olmağan hadimlernıñ Ukrainadan AQŞ devlet paraları ile ketmege imkânları bar.

Qanuniy çıqış ile diplomatlarnıñ Ukrainadan gonulli ketmege aqları bar; olarnıñ ketüvi vacip degil.

Daa AQŞ Devletdeaprtamentı Ukrainda bulunğan AQŞ grajdanlarına devletten qaytmağa tevsiye ete.  AQŞ yelçihaneden ketme aqqında qararnıñ statusı ottuz kün devamında baqılacaq.

Büyük Britaniya

AQŞ ğayrı Büyük Britaniya de öz diplomatlarını tahliye ete. İngliz yelçihanenıñ hadimlerini Kiyevdeki idareden acele tahliye etmege başladılar. Diplomatlarnıñ yarımı rus tecavuznıñ kerginleşüvi sebepten Ukrainadan keteler.

Uyğun qararına dipidarenıñ Twitter saifesinde yerleştirdiler.

“Elçihanenıñ bazı hadimleri ve olarnıñ qorantaları rus tecavuznıñ kerginleşüvi sebepten tahliye etileler.  Büyük Britaniyanıñ yelçihanesı açıq qala ve müim işini yapmağa devam ete”, - haberde aytıla.

Ukraina TİN

Ukraina TİN vekili Oleg Nіkolenko Suspilnege haber etti ki,  ukrain diplomatları böyle adiminı artqaç saqınçnen adlandırdı.

“Çetel devletlernıñ öz diplomatik missiyalarnıñ telükesizligini tamin etmege aqlarını ürmet etip, amerikalı tarafnıñ areketlerını vaqtından evel olğan adimnen ve artqaç saqınçnen sayyamız. Kerçekten, telükesizlik vaziyetinde soñki vaqıt devamında denişmeler qayd etilmediler: rus tecavuznıñ telükesi 2014 seneden qala, rus orduları ukrain sınırı boyu daa keçken senenin aprel ayında toplaşmağa başladılar”, - Nikolenko Ukraina TİN fikirini bildirtti.

Aytqanına köre, AQŞ Devletdeaprtamentı episi elçihane hadimlerini Ukrainadan tahliye etmege niyet etmey. Yelçihane öz faaliyetini episi bir devam etecek. Diplomatik missiyanıñ azalarnıñ ketmege imkânları peyda oldı. Bu isteklerinden bağlı. Lâkin olarnıñ ketüvi mecburiy degil. 

TİN daa AQŞ grajdanlarına öz  seyaatlarını Devletdepartamentnıñ saytında qayd etmege tevsiyelerini tınç qabul etmege çağırttı.

“Çetel devletlerge ketken ukrainlerge de Ukraina TİN “DRUG” adlı uyğun sistemada qayd etilmene tevsiye ete. Bu grajdanlar ile konsul bağnıñ saqlamanıñ normal halaqara ameliyatıdır”, - Nikolenko añlattı.

Aytqanına köre, RF şimdiki vaqıtında Ukrainadaki içki vaziyetini bozmaq içün faal şekilde areket ete.

“Ukrain ve halqara media-saada çoq qalp etilgen haberler tarqatılalar. Olarnıñ esas vazifesi - ukrainler ve çetel insanlar arasında panikanı yaratuvı,  devletmiznıñ siyasiy ve iqtisadiy stabilliknıñ bozuvıdır. Böyle vaziyette havflarğa doğru qıymek kesmek ve tınçlığını saqlamaq pek müimdir”, - tışsiyasiy idarede haber ettiler.

Ukraiana TİN haber ettiler ki, RF tecavuzını toqtamaq içün,  ukrain grajdanlırnıñ ve devletnıñ telükesizligini saqlamaq içün, Ukraina tış ortaqlarnen birleşe. Ondan ğayrı AQŞ faal diplomatik fikirleri sebepten ve Ukraina mudafaa imkânlarnıñ quvetleştirüvi, yani yañı silâlarnıñ ve tehnikanıñ berüvi sebepten teşekkürler bildirttiler. 

Belli malümatlar

• Resmiy seyaat tevsiyeler derecede Ukraina dörtinci yerde tura. AQŞ grajdanlarına Ukrainağa ziyaretlerden vazgeçmege tevsiye etler. Sebebi “RUSiye tecavuziy areketlernıñ kerginleşüvi”. Evelsi de Ukraina dörtinci derecede edi, lâkin böyle tevsiyenıñ sebebi COVID-19 edi.

Bizni Telegram’da oquñız