Almaniya ADQ başı, Ukraina tarafına davalı bildirüvlerden soñ istifağa ariza bergen
11:01, 23 Qaraqışay
Foto menbası: СтопКор
Almaniya arbiy-deñiz quvetlerniñ başı Kay-Ahim Şenbah, halq ögünde yapılğan onıñ bildirüvler sebebinden peyda ettirilgen davası zemininde istifa etip pensiyağa çıqmağa mecbur olğan. Yaqın vaqıtta bu sebepten Almaniya Mudafaa nazirliginiñ resmiy beyanatı beklenile.
Bild nemse neşriyatınıñ malümatlarına köre, onıñ istifası endi qabul etilgen.
Jurnalistlerniñ malümatlarına köre, 56 yaşına kirgen vitse admiralı arbiy hızmetinden çıqa, resmiy tarzda - şahsiy istegi ile. Cumaertesi künü mudafaa naziri Kristin Lambrehtniñ adına istifa aqqında arizanı alıp bergen ve o, bu arizanı qabul etti.
Belli olğanı
- Almaniya ADQ başı vitse admiral Kay-Ahim Şenbah, Rusiyenen işğal etilgen Qırım, Ukraina terkibine bir vaqıt qaytmaycağını ilân etken. Ukraina tışqı işler nazirligi, Almaniya ükümetinen Almaniya Arbiy-deñiz quvetlerniñ reberi Kaya-Ahim Şenbahnıñ Qırımğa dair bildirüvleriniñ halq ögünde red etüvini talap ete.
Bizni Telegram’da oquñız
