Ukraina TİN, Qırımnıñ Ukrainağa qaytarmamazlığı aqqında Almaniya ADQ reberiniñ arizasına cevap berdi

Присяжнюк Владислава
·
14:46, 22 Qaraqışay
Ukraina TİN, Qırımnıñ Ukrainağa qaytarmamazlığı aqqında Almaniya ADQ reberiniñ arizasına cevap berdi
Foto menbası: informator.ua

Ukraina tışqı işler nazirligi, Almaniya ükümetinen Almaniya Arbiy-deñiz quvetlerniñ reberi Kaya-Ahim Şenbahnıñ Qırımğa dair bildirüvleriniñ halq ögünde red etüvini talap ete.

Bunıñ aqqında Ukraina TİN vekili Oleg Nikolenko bildirdi, haber ete “İnterfaks-Ukraina”. 

Onıñ sözlerine köre, Ukraina TİN’de Almaniya ADQ reberi Kaya-Ahim Şenbahnıñ bildirüvlerini qatiy sürette qabul etilmegen dep sayalar. 

“Qırım yarımadası, tek nemse vitse-admiralnıñ hayalında ğayıp olabile. Qırım, tecavuzcı devletine qarşı azimkârlığını kösterecek olğan Ukraina ve onıñ ittifaqdaşlarınıñ israrlı ıntıluvlarına köre mıtlaqqa qaytacaq. Buna köre, ADQ reberiniñ sözleri Almaniyanıñ Qırım platformasına ardı-sıra kelgen destegine nasıl uyğanları nemse akimiyetinden añlatuvını bekley”, - qayd etti spiker. 

Bildirilgeni kibi, Donbassta insanlar can vermege devam etkende, işğal etilgen Qırım ise insan aqlarınıñ gettosına çevirilgende, TİN’de RF tecavuzınıñ qurbanlarnıñ sayısı 14 biñden ziyade olğan, Rusiyeniñ yüz biñli ordusı ise ukrain devlet sıñırı üzerinde tizilgen vaqıtta Rusiyenen müzakeresiniñ ğayrıdan tiklemesiniñ kerekligi aqqında Şenbahnıñ sözlerinen şaşıp qalalar. 

“Almaniyanıñ territoriyasında rusiye mahsus hızmetleri siyasiy muhaliflerni yoq eteler, sahte malümatlı kampaniyalarnı keçirip içki işlerine qarışmağa tırışalar. Almaniya ADQ başınıñ tarafından Putinni añlamağa ıntıluvınıñ öz ahlâqiy, siyasiy ve telükesizlik sıñırları olmaq kerek. Bu alda bu sıñırlar qaba tarzda bozulğanlar”, - dep qoştı TİN memurı.

Belli olğanı 

  • Almaniya ADQ başı vitse admiral Kay-Ahim Şenbah, Rusiyenen işğal etilgen Qırım, Ukraina terkibine bir vaqıt qaytmaycağını ilân etken

Bizni Telegram’da oquñız