Qırımdaki işğal makemesi, işkenceler sebebinden Yesipenkoğa cinaiy davanıñ açılmasını red etti
İşğal etilgen Qırımda “Aqiqat Radiosınıñ” frilanseri Vladimir Yesipenkoğa dair nevbetteki 13’ci oturışında RF Qara deñiz flottaki arbiy-tahqiqiy kommitet degeni, jurnalistniñ işkenceleri sebebinden cinaiy davanıñ açılmasını red etti.
Bunıñ aqqında “Gratı” saytında bildirile.
“Aqmescit rayon makeci, teneffüsniñ bir ay soñra “Aqiqat Radiosınıñ” frilanseri Vladimir Yesipenkonıñ cinaiy davasını baqmağa devam ete…Makemeci, ilân etüvinden başlay: arbiy-tahqiqiy kommitetinden FTH hadimlerinen Yesipenkonı işkencelerge oğratuvı aqqında onıñ arizası boyunca cinaiy davasınıñ açılmasında red etüvi kelgen”, - denile beyanatta.
Tafsilâtlıca oquñız: Qırımda tevqif etilgen ukrain jurnalisti Vladislav Yesipenkoğa Levko Lukyanenko adına devlet stipendiyasını tayın ettiler.
Zalda Yesipenkonıñ üç qoruyıcısınıñ episi - advokatlar Dmitriy Dinze, Taras Omelçenko ve grajdan qoruyıcısı mitropolit Pavel Kuş bulunğan ediler.
Berberov “makemeci”niñ sözlerine köre, “makeme” talabına arbiy-tahqiqiy kommitetinden 2022 senesi qara qış aynıñ 12’den cinaiy davasınıñ açılmadında red etüvi aqqında qararı kelgen, lâkin imaye tarafınıñ malümatlarına köre, bu kününen tarihlanğan qararı, evelden red etilgen edi.
Belli olğanı
- İlk qış aynıñ 13 Qırımdaki işğal makemesi, “prokurornıñ” şefaatı boyunca saban aynıñ 18 qadar üç ayğa patlayıcınıñ işlep çıqarılmasınfa qabaatlanılğan jurnalisti Vladislav Yesipenkonıñ tevqif müddetini uzattı.
- 2021 senesi saban ayınıñ 16-nda Qırımda FSB tarafından ükrin yaqalanıldı. Soñra, bu Azatlıq Radiosınıñ jurnalisti olğanı belli oldı.Vladislav Yevsipenko, Rusiye Cinaiy kodeksiniñ 223-1 m. 1 q. (nariye silâsınıñ qanunsız tarzda işlep çıqaruvı, işlevi ve tamir etüvi ve arbiy yedeklerniñ qanunsız tarzda işlep çıqaruvı) köre mahküm eteler.
- Arman ayı Vladislav Yesipenkonıñ ömür arqadaşı haber etti ki, azaplardan soñ adamnıñ siydik-taş hastalığı kerginleşti. Tevqıfhanede oña kerekli tibbiy yardımını etmeyder, bu sebepten oñı acele tibbiy yardım maşnasınnen grajdan hastahanesine alıp ketken ediler.
- Aqmesjitteki işğal rayon makemesi, Azatlıq Radiosınıñ (Qırım.Aqiqat leyhası) frilanseri Vladislav Yesipenkonıñ tevqifini daa 6 ayğa uzattı.
- Esipenko mudafaası oñıñ qanunsız apisnıñ devirini azlaştırmağa niyet ete.
- Amnesty International Ukraine, Vladislav Yesipenkonı azat etmege talabınen istidanameni imzalamağa çağırdı.
Bizni Telegram’da oquñız
