Bunıñ aqqında “Qırım birdemligi” bildire.

Qayd etilgeni kibi, makemelengenler ve olarnıñ advokatları Emil Kurbedinov ve Aleksey Ladin Aqmescitteki 1’ci taqiqat tevqifhanesinden video konferentsıyası boyonca diñlevinde iştirak etken ediler. 

Makemelengenler özü, olarğa yazılğan qabaatlavlarında öz masumiyeti aqqında bildireler. Tevqiflerni ve çzüne dair bütün cinaiy davasını olarnıñ faal grajdan mevamı içün özüne dair basqısı kibi adlaylar.

“Rustem Murasov, taqiqat tevqifhanesinde onıñ tutuvını qaçacaq dep qorqudı olaraq degil, terroristik maddelerinen bağlı olğan cinaiy davalarında özüni sahtelendirmege red etkeni içün oña doğru basqısı yapılğanını adlağan. Ne onıñ, ne de başqalarınıñ qabaatı yoq dep aytqan. İç bir cinayet yapmağanla, - tarif etti öz imayesi astında olğanınıñ sözlerinden advokat Emil Kurbedinov.

İşğal makemesi, Abdullayev ve Murasovnı 2020 sensi uvut aynıñ 10 qadar tevqif astında qaldırıp istinaf şikâyetlerni qanaatlendirmedi. 

“Olarnıñ davasında tahqiqatı, endi bitken ve Rostov-na-Donudaki Cenübiy arbiy bölge makemesine alıp berilgen, anda ise - ilk makeme oturışı beklenile. Bundan soñ makemelengenler Qırımdan Rostov-na-Donudaki taqiqat tevqifhaneleriñ birine alıp ketirilecekler”, - dep qoştı Kurbedinov.

Belli olğanı

• Qırımdaki işğal quvetçileri, arman aynıñ 17 saba saat 4’ten başlap beş qırım tatarınıñ evinde tintüvlerni keçire ediler. Tahqiqiy tedbirlerni FTH, EQM ve MMTQ hadimleri keçire ediler.Aqyar şeeriniñ Nahimov rayondaki FTH hadimleri, faaller Rustem Murasov ve Rustem Tairovnı tutıp aldılar, Aqyarnıñ Balıqlava rayonında - Cebbar Bekirovnı, Bağçasaray rayonında - faal Zaur Abdullayevni, Qırımnıñ Aqmescit rayonında - Raif Fevziyevni.

Bizni Telegram’da oquñız