Bunıñ aqqında prezident ofisiniñ saytında bildirile.

Sanktsıyalardaki cedvellerniñ birinde  23 rusiye  ve bir avstriya kompaniyasına (Coop Himmelb(l)au mimar bürosı) qarşı sanktsıyalar kirsetile. Daa sanktsıyalarğa bu büronıñ altı hadimi, ayrıca, esasçısı Volf Priks de oğradı. Avstriyalı mimarları işğal etilgen Aqyarda opera ve balet teatrnıñ leyhasını işlep çıqardılar.

Daa eki cedveli - uquqiy şahıslarğa qarşı sanktsıyalar. Cedvelniñ birinde tek rusiye makemecileri, başqasında - işğal etilgen Qırımdan türlü “memurlar”, “uquq qoruyıcılar” ve “makemeciler” bar. Daa sanktsıyalar astına belli rusiye dizayneri ve blogeri Artemiy Lebedev oğradı.

Bundan da ğayrı, Zelenskiy BISCONE LIMITED qıbrız kompaniyasına qarşı sanktsıyalarnı kirsetti. O, “Turboatom”nıñ minoritar altsioneri ola – oña aktsiyalarnıñ 5,9% ait ola. 2021 senesi ilk küz ayında ükümet, bu kompaniyağa qarşı sanktsıyalarnıñ kirsetilmesini teşebbüs etken, çünki onıñ saibi, 2016 seneden itibaren ukrain sanktsıyalar astında bulınğan rusiye milliarderi Aleksey Mordaşov ola. 

Belli olğanı

• İlk qış aynıñ başında Ukraina prezidenti Vladimir Zelenskiy, 2021 senesi qadım aynıñ 10’dan Milliy telükesi ve mudafaa şurasınıñ (MTMŞ) nevbetteki qararını amelge keçirdi. Vesiqa, işğal etilgen Qırımnıñ territoriyasında rusiye saylavlarınıñ teşkil etilmesinde iştirak etken şahıslarnıñ sırasına qarşı kirsetilgen sanktsıyalarnı 3-10 yılğa qadar devam ettire.

Bizni Telegram’da oquñız