Bunıñ aqqında Ukraina raqamiy transformatsıya nazirliginiñ elektron hızmetlerniñ tatbiq etüvi boyunca ekspert gruppasınıñ reberi Denis İvanov tarif etti, bildire “Ev”.

Öz “kovid” biñni Ukrainanıñ nezareti astında olğan territoriyasında masraf etmek mümkün olacağı qayd etile. 

Denis İvanov qayd etkeni kibi, “yePidtrımka” programmasında iştirak ameliyatı, Ukraina vatandaşlar ne yerde bulunğanlarına baqmadan, o, er kes içün aynı ola. 

• İlk şart – varandaş 18 yaşına kirmek kerek.
• Ekinci şart – alınğan eki vaktsınası esasında “Diya” ilâvesinde “yeşil” COVID-sertifikatnı asıl etmek. 

“Tek bundan soñ “Diya” ilâvesinde “yePidtrımka” programması boyunca ödev aluvına talabını bermege imkânı peyda ola. Bunıñ içün “Hızmetler” menüsinden ve “yePedrimka”menüsine talabı alıp berile. Mında, ödemelerni alacaq olğan virtual esabını açmağa istegen vatandaş, banknı seçmek kerek. Buna dair paralar talapnıñ berüvinden itibaren 10 kün içinde keleler. Bundan soñ siznen qayd etilgen biznes kategoriyalarında esaplaşmaq mümkün olacaq”, - tafsilâtlaştırğan İvanov. 

Bunen beraber, işğal etilgen territoriyalardaki sakinlerniñ çoqusı, dünyaara sağlıq qoruv teşkilâtınen tanımağanına köre, Ukrainanen de tanımağan rusiye “Sputnik” (“Yoldaş”) vaktsınatsıyası ile muqavemetlemege mecbur. Buna köre, “Sputnik” ile vaktsınatsıyalaşuv vaqtında “Diya” ilâvesinde COVID-sertifikatnı alıp olamazsıñız. 

“Ruhset etilgenlerniñ cedveline kirmegen vaktsınalarnıñ esasında sertifikakatlarnıñ asıl etüvine dair. Bu meseleler sebebinden Ukraina SQN ve Ukraina Milliy sağlıq hızmetine (UMSH) muracaat etmek kerek. Vaktsınatsıyanı tasdıq etmekmi, yoqmı dep olar qarar bereler, müsbet alda - bu malümatlarnı sicilge kirseterler. Çünki “Diya” sertifikatsıyasıdaki malümatlarnı aynı UMSH sicilinden teşkere”, - añlattı raqamiy nazirliginiñ vekili. 

Belli olğanı

• Qara qış aynıñ 21 qadar işğal etilgen Qırımda “resmiy tarzda” COVID-19’nıñ 238 yañı vaqianı resmiyleştirdiler, Aqyarda - 148. Bunen beraber yarımadada 11 insan keçindi, Aqyarda - 4.
• İşğalcılar, COVID-19 pandemiyası sebebinden yañı sıñırlamalarnı kirsettiler. Ayrıca, endi 60 yaşından başlap Qırım sakinleriniñ episi, öz tecrit etüvinde bulunmaq kerek. 

Bizni Telegram’da oquñız