Bunıñ aqqında “Qırım birdemligi” bildire.

Munaqaşalar devirinde devlet qabaatlayıcı Sergey Aydinov, makemeden Zekirya Muratovnı RF CK 205 maddesiniñ 2 qısmı boyunca (“terroristik teşkilâtnıñ faaliyetinde iştirağı”) qabaatlı tanıp ileride1 yıl ve 6 ayğa dolaşuv serbestliginiñ sıñırlavınen 12 yılğa azatlıqtan marum etmege rica etken. İlk üç yılnı Muratov türmede keçirmek kerek, qalğan yıllarnı ise - qartı nizamlı cezahanesinde, dep saya qabaatlayıcı.

Bundan da ğayrı, devlet qabaatlayıcı, qırımtatarı içün serbest etüvinden soñ bile sıñırlarvlarını da talap ete: “CEFH’den razılıq almağance daimiy yaşağan yerinden çıqmamaq ve saat 22 soñ bir yerde bulunmamaq, saat 6 qadar restoranlar, barlar, eglenceli müessiseleri ve içkilerni satqan tedbirlerni ziyaret etmemek”. Uyğun belediye tasiliniñ territoriyasını qaldırmamaq, yaşağan yerni ya da iş yerni deñiştirmemek. Qayd etüv içün ayda 2 kere CEFH’ne kelmek”.

İmaye tarafı, Muratovnıñ qabbatsız oluvında ve oña qarşı cinaiy davasınıñ sahtelendirüvinde israr ete. Bunı isbatlamaq içün advokatlar gizli şaatı, FTH operativ hızmetleri ve tahqiqiy ekspertizasına dair davalı şaatlıqlarnı alıp ketireler.

Tafsilâtlıca oquñız: 63 yaşında olğan Zekirya Muratovnıñ davasınıñ oturışında dört şaat, FTH agentiniñ adını aytqan

Daa imaye tarafı tüşüngeni kibi, prokuror, qabul etilmez olğan delillerge esaslana edi.

“Devlet qabaatlayıcı, operativ malümatlarında esaslanğan makeme ile iç bir usulı ile tesbit etilmegen operativ hadiminiñ şaatlığına esaslana edi. Daa orta qararlı tavsiflerine, Muratovğa saqallı musulman qıyafetlerinde kelgen musafirlerine ve Zekirya Mamutovnıñ evinde sesli müzakerelerine de esaslana edi. Bunen beraber, ne aqqında laf yürsetilgenini şaat aytıp olamay, belki de maşnalar ya da başqa tafsilâtlar aqqında laf etken ediler. Öz şaatlığında Muratov, din müzakerelerinde, Aluşta şeriniñ din cemaatınıñ işleri aqqında müzakerelerinde iştirak etkeni aqqında aytqan edi, öz şaatlığınen cezasından qaçınmağa istey. Bu yıl 65 yılnı tolduracaq olğan yaş adamı içün bu müddet bile soñsuz ola. Müzakereler ve şeerniñ cemaat yaşayışında ve cemaatnıñ ayatında iştirağı sebebinden böyle müddet? İmaye tarafı, oña tesbit etilgen cezasınen razı degil, munaqaşalarda öz nutuqnı azırlaycaq”, - ilân etti advokat Lilâ Gemici. 

Prokurornıñ qabaatlav neticesine köre, Muratov, “teşkilâtqa mahsus kirgen”, “gizlilik qaidelerine riayet etken edi”, “RF dair musilmanlarnıñ iddialı munasebetini yarata edi” eken. Qabaatlavınıñ eñ muim sutunlardan biri gizli şaatınıñ şaatlığı ola.

Belli olğanı

• 2020 senesi oraq aynıñ 7 Qırımdaki kütleviy tintüvler vaqtında Zekirya Muratov, RF CK 205.5 maddesine köre cinayette qabaatlanılğan edi. Aqmescitteki Kiyev işğal rayon makemesi, sıñırlama tedbiri olaraq tevqifni seçip alğan. Şimdi o, Rostov-na-Donudaki 1’ci taqiqat tevqifhanesinde buluna. 2021 senesi saban aynıñ 23 anda gipertonik krizini yaşağan.

Bizni Telegram’da oquñız