Bunıñ aqqında o, AQŞ devlet kâtibi Entoni Blinkennen müzakerelerniñ neticelerine köre brifingi vaqtında bildirdi.

TİN reberiniñ sözlerine köre, ayrı areketlerinde Ukrainanıñ AQŞ destegi bar. Çünki Qoşma Ştatlar Rusiye Federatsıyasına qarşı “ağır” sanktsıyalarnıñ paketini işlep çıqardılar.

“Bütün tafsilâtlarnı açıp olamam, çünki şimdi AQŞ ve olarnıñ avropalı ittifaqdaşları arasında areketlerniñ kelişilüvi boyunca işi soñuna yete. Vaşingtondaki iş endi qabul etilgen olğanı pek printsipial. AQŞ, rusiye iqtisadiyatı ve rusiye zenginlerini yoq etmek içün öz iqtisadiy ve maliyeviy aletleriniñ bütün şiddetini qullanmağa azırlar”, - tarif etti Kuleba.

Tafsilâtlıca oquñız: Ukrainanıñ sıñırları yanında tahminen yüz biñ rusiye askeri bar - Blinken

Qayd etti ki, $60 mln miqdarınd mudafaa paketi aqqında degil, cıhaz ve mudafaa silâsınıñ ilâve kölemleri aqqında da söz kete. 

Dmitriy Kuleba daa qayd etkeni kibi, 2014 senedeki hatalarnıñ tekrar etilmege aqqı yoq. 

“Buna köre, Rusiyeniñ ücümini toqtatmaq içün bir şeyni yapmaq kerekmey dep Ukrainağa añlatacaq olsalar, iç bir şey yapıp olamamız, çünki ücümi yeterli derecede büyük degil ya da o rusiye askerleri olğanına isbatlarnıñ sayısı az. Rusiyeniñ areketleri aqqında tez sürette cevap bermege ortaqlarnıñ qabiliyetiniñ yoq oluvı sebebinden kene de vatandaşlarımıznıñ qanı ile ödeycegimiz”, - yekün çekti Ukraina tışqı işler nazir muavini Dmitriy Kuleba.

Belli olğanı 

• Rusiye, Ukrainanen sıñırına arbiy vertolötlarnı alıp ketirmege başladı. Bu adım tek şunı isbatlaybile ki, ücümniñ planlaştıruvı alâ daa bar, çünki sıñırda rusiye arbiylerniñ sayısı soñki aftalar devamında turğun olıp qala. 
• AQŞ vitseprezidenti Kamala Garris beyan etti ki, Ştatlar Rusiye prezidentini Volodimir Putinni tenbilediler ki, eger RF qarşi  Ukrainağa qarşi yañi tecavuziy areketlerini başlasa, AQŞ  yañi sanktsiyalarini qayd etmege azir Areketteki memuriette vitseprezident tiş siyasiy suallerini tasvir etmey. Bu Ukrainağa qarşi rus tecavuzi sebebinden birinci beyanati ola.

Bizni Telegram’da oquñız