Bunıñ aqqında İçtimaiy Qırımğa USQ BQR matbuat hızmeti bildirdi.

Ayrıca, BM-21 “Grad” reaktiv sistemalarnıñ arbiy ölçüvleri faraziy duşmannıñ atış aletlerniñ, tehnikasınıñ ve can quvetiniñ yoq etüvine dair vazifelerni eda ettiler.

“Reberligimizge tabi olğan arbiylerniñ zümreleşüvinde böyle idmanlar muntazam sürette olunalar. Aynı bu sebepten arbiy hızmetçiler, olabilgen er qorqutuvlarğa kerek olğan vaqıtta cevap bererek qabiliyetlerniñ büyük seviyesini köstereler”, - qayd etti Ukraina Silâlı quvetlerniñ general-leytenantı Sergey Nayev.

Baş nişancısı Bogdan Gerts manzarasınen çalışa. O, artilleriya arbiylerinde eñ esas tafsilâtı ola, çünki onsız duşmannıñ koordinatlarnı közetmek mümkün degil.

“Gerts manzarası, yöneltüviniñ esas noqtasını tapmaq içün kerek. Qaba ve inci sayuvınıñ şkalasınen çalışamız. Yöneltüviniñ er bir noqtasını tapamız: ev kesimi, diregini tapamız… Soñra koordinatlarnı cenkâver maşnasınıñ reberimizge alıp beremiz. O ise - er şeyni tafsilâtlıca tedqiq ete. Oqutuv özü, eki ay süre. Er şey qolayca işletilip daima tekrarlana”, - bildirdi Bogdan.

Arbiy Mihail, maşnadaki baş nişancısına doğru nişan etüvi içün nişanlı aletlerni qullanmağa yardım ete. 

“Atış sıq oluna. Brigadalar arasında idmanlar içün taktik tarlarına çıqıp, cenkâver mevamlarnı alamız, arbiy mevzimine maşnalarnı azırlaymız. Ofitserler daa doğru koordinatlarnı bereler, biz ise - nişan üzerinde çalışamız. Em yekâne , em bir qaç seferli atışlar olğan edi. Kabinadan atış atsalar, maşnanıñ küçlü sarsıntısı duyula ve bırçaq sesi peyda ola. Kabinadan atış atsañ, maşnada barot qoqusını yahşı is etesiñ”, - tarif ete Mihail.

Oqutuvlar vaqtında arbiy hızmetçiler yerlerni tetqiq etken ve uruş içün nişanlarnı açqan artilleriya istihbaratınen alıp berilgen malümatnı ve pilotsız uçuv istihbaratçı-aletiniñ operatorlardan alınğan işaretlerni qullana ediler. 

Yuqarı nişancı Bogdan, idmanlardan öz teessuratlarnen paylaştı.

“İlk sefer ateş açqanımda pek memnün edim. Nişancı olaraq çalışmağa pek begenem. Ep yañı vazifeler, maqsatlar, çeşitli qaideler… Esası, imaye etilmege qabiliyeti ve duşmannıñ ateş destegini eñ çoq urmağa tırışmaq”, - dep qoştı Bogdan.

Reber şunı qayd etti ki, er sefer reberler oqutuvlarğa yañı elementlerni qoşalar. Müdirler ayrı terkibini vaziyetniñ deral deñişüvi alda areket etmege ögretip vazifeni qıyınlaştıralar. 

Qayd etmek kerek ki, reaktiv batareyasınıñ taktik oqutuvlarnıñ maqsadında toplar bölüklerniñ kelişilüvi, ayrı terkibiniñ tar oqutuvınıñ mükemmelleştirüvi ve bölüklernen idare etilmesinde reberlerniñ ameliy qabiliyetlerniñ körerilüvi bar.

 “Netice özüni köstere. Arbiyler tesbit etilgen vazifelerniñ eda etilmesinde kelişilgeniniñ yüksek seviyesi eda etilgen”, - qayd etti general-leytenant Sergey Nayev.