Böyle leyhanıñ kerçekleştirüvi, tasil ve bildirişüv platformalarında qırımtatar tilniñ bulunuvınıñ arttuvına imkân yaratacaq. Bunıñ aqqında İçtimaiy Qırımğa Ukrainanıñ vaqtınca işğal etilgen territoriyalarnıñ reintegratsıya meseleler naziri Sinaver Seythaliyev tarif etti.

“Muvaziy metinlerniñ massiviniñ yoq etüv havfı astında bulunğan  qırımtatar tamır halqınıñ tilniñ saqlaması ve inkişaf etilmesi içün qarar berici manası bar. O, izalı, yañı eki tilli ve tercime etken e-luğatlarnıñ yaratılmasına imkân yaratır, o ise - em Ukraina territoriyasında, em halqara seviyesinde bu tilniñ daa faal inkişafı ve rağbetleştirüne alıp ketirecek”, - haber etti Seythalilev.

Qırımtatar tili boyunca muvaziy metinlerniñ massiviniñ yaratılması şunı köz ögünde tuta:

• siyrek nushalar ve nadir neşriyatlarnen beraber qırımtatar tilinde kitaplarnıñ teşkerüvi;
• teşkerüvden soñ hatalarnıñ tüzetilmesi boyunca muarrir işiniñ keçirilmesi;
• tercimelerniñ zamandaşlaştıruvı içün programmanıñ işlep çıqaruvı ve çalıştıruvı;
• bütün metinli malümatlarnıñ raqamiy versiyalarnıñ saqlaması ve araştıruvı içün Github onlayn-platformasında maşümat bazasınıñ yaratılması;
• Devlet Saray veb-platformasınıñ esasında ukrain, rus ve ingiliz tillerine tercime etilgen qırımtatarca kitaplarnen “canlı” rejiminde kitaphaneniñ teşkil etilmesi.

Qayd etilgeni kibi, qırımtatar tilniñ saqlanuvı içün muvaziy metinlerniñ raqamiy massiviniñ yaratuvı, qırımtatar tilniñ inkişaf qavrayışınıñ kerçekleştirüv ceetinde ve Ukrainadaki tamır halqnıñ devlet tilinen yanında inkişaf etilüvi ve bar oluvınıñ temin etilmesi içün yapıla.

Bizni Telegram’da oquñız