Bunıñ aqqında tışqı işler nazir muavini Emine Ceppar rusiye-ukrain silâlı davasınıñ medeniy ölçüvi mevzusına müzakereler vaqtında bildirdi. 

“Er kesni - parlament, akimiyet, cemiyetni birleşken devletimizniñ ve cemiyetimizniñ bağlayıcı mirasımız Qıırm platforması ola. Onı ölçüvler ve evelliklerinen olğan er saağa yöneliş tutqan, koordinatsıya ve müzakere formatı olaraq teşkil etken edik”, - tarif etti o. 

Ceppar qayd etti ki, Qırım platforması - bağlayıcılar ya da onıñ içün mesüliyetli olğan şahıslarnıñ bağı ola. Aqiqaten, TİN hadimleriniñ orta ya da yuqarı seviyesi ve namzetlerni seçeyatqan üç ülke qalğan. 

“Bu ilk yarım yılda QP bütün yönelişler boyunca mesleatlarnı keçirermiz”, - qayd etti tışqı işler nazir muavini.

Daa Ceppar haber etkeni kibi, qara qış aynıñ 26 Ukrainağa “skit altınnıñ” qaytaruvı aqqında Amsterdamdaki istinaf makemesiniñ qararına dair temyiz şikâyetiniñ berüv müddeti bite.

Tafsilâtlıca oquñız: Amsterdamdaki istinaf makemesinde yeñüv. Ceryan bittimi?

Onıñ sözlerine köre, RF tarafından şikâyetniñ yoq oluv alda Ukraina, bu medeniy qıymetlerniñ qaytaruvını başlatacaq.

“Qara qış aynıñ 26 qadar o olmasa, Ukrainağa bu medeniy qıymetlerniñ qaytaruvını başlaymız”, - yekün çekti Ceppar. 

Belli olğanı 

• 2021 senesi arman aynıñ 23 Kiyevde Qırımnıñ deokupatsıyası meselesi boyunca halqara formatını resmiy tarzda işletken “Qırım platformasınıñ” sammiti olıp keçken. Qırım platformasındaki iştirakçi devletlerniñ vekilleri Qırımnıñ deokupatsıyasına dair umumiy beyannameni imzaladılar. 
• Ukraina tışqı işler naziri Dmitriy Kuleba haber etkeni kibi, Almaniya, “Qırım platformasındaki” yönelişlerinden biriniñ reberi olğan.
• Amsterdamnıñ istinaf makemesi, “skit altınnı” Ukrainağa qaytarmağa qarar bergen. Qırım müzeylerden toplamınj Felemenk sergisine daa Rusiyenen Qırımnıñ işğalinden evel alıp ketirdiler.

Bizni Telegram’da oquñız