Ukrainanıñ sıñırları yanında tahminen yüz biñ rusiye askeri bar - Blinken
AQŞ devlet departamentiniñ başı Entoni Blinken ilân etkeni kibi, Ukrainanıñ sıñırlatı yanında tahminen 100 biñ rusiye askeri buluna ve Ukraina içün o, cididy bir telükesi ola.
Bunıñ aqqında o, Ukraina prezidenti Vladimir Zelenskiynen Kiyevdeki körüşüvi vaqtında bildirdi.
Qayd etkeni kibi, Rusiye, Ukrainağa qarşı ilerideki tecavuzına ketse, onıñ ciddiy aqibetleri olacaq. AQŞ ve Avropa tarafından. Ve Moskvanı bunıñ aqqında ihtar ettiler.
Tafsilâtlıca oquñız: AQŞ devlet kâtibi Kiyevge keldi
“Ukrainler 2013 senesi öz seçüvni qorumaq içün Maydanğa çıqtılar, ve, afsus ki, o vaqıttan beri siziñ üzeriñizde Moskva tarafından daimiy tecavuzı bar. Rusiye, Qırımnıñ territoriyasına kirdi, daa Ukrainanıñ şarqiy qısmında davanı yaratqan ve bugün demojratiyanı yıqmağa tırışa”, - tarif etti Entoni Blinken.
Devlet departamentiñ başı qayd etkeni kibi, şimdi Ukrainanıñ sıñırları yanında tahminen 100 biñ rusiye askeri bar.
“Bugün Ukrainanıñ sıñırları yanında tahminen 100 biñ rusiye askeri bar. Ve bu ceetten Ukrainanıñ havfı bar. Prezident, Ukrainanıñ territorial bütünligi, suvereniteti ve mustaqilimizge sadıqlımıznı qayd etmege rica etti. Rusiye, Ukrainağa qarşı tecavuznı seçip alsa, tek AQŞ tarafından degil, Avropa ve dünyanıñ başqa ülkelerniñ tarafından ciddiy aqibetleri olacaq. Rusiyeniñ maqsadı - ülkelerimiz arasında duşmanlıqnı yaratmaq, bunı yapmağa izin bermemiz”, - yekün çekti Blinken.
“Ziyaretiñiz biz içün pek muim, şahsen siziñ ziyaretiñiz. Amerika Qoşma Ştatlarnıñ tarafından mustaqiligimiz, suverenitetimizge şiddetli destegini daa bir kere qayd ete”, - ilân etti Ukraina prezidenti Vladimir Zelenskiy.
Belli olğanı
- Rusiye, Ukrainanen sıñırına arbiy vertolötlarnı alıp ketirmege başladı. Bu adım tek şunı isbatlaybile ki, ücümniñ planlaştıruvı alâ daa bar, çünki sıñırda rusiye arbiylerniñ sayısı soñki aftalar devamında turğun olup qala.
Bizni Telegram’da oquñız
