Bunıñ aqqında o, İçtimaiy Qırımğa tefsirinde tarif etti.

Onıñ sözlerine köre, Oleg Prihodkonı rusiye cezahanesinde “tınç tarzda öldüreler”.

“Üç afta içinde olar Rostov-na-Donu ve Novgorod arasında 7’ci cezahanesinde ediler. Babamnı eki kün içinde aqım ile qıynay ediler, qollarına suv töke ediler ve qırçmalarnen baylay ediler. Sebebini bilmeyim. Yapmağanını qabul ettire edile: “Sıcaq yerlerinde cekleşkeniñ içün”, ve seçüv içün sırasını teklif ete ediler”, - qayd etti Nataliya Şvetsova.

Daa qayd etkeni kibi, oña teslim etilgen ilâclarnı alıp bermeyler.

“Maña şunı ayttı ki: “Meni mında tınç sürette öldüreler. Mından çıqmam, meni kömerler bedenimni alıp bermezler bile”, - yekün çekti Oleg Prihodkonıñ qızı.

Belli olğanı

• 2021 senesi qadım aynıñ 9 advokat Sergey Legostov,  Rostov-na-Donudaki 1’ci taqiqat tevqifhanesinde tevqif etilgen ukrain faali Oleg Prihodkonı ziyaret etti. Advokat tarif etkeni kibi, Prihodkonıñ sağlıq alı kerginleşken. O, 2020 senesi çiçek ayından itibaren rusiye taqiqat tevqifhanesinde buluna.
• 2020 senesi mayıs aynıñ 28 Rostov-na-Donudaki Cenübiy arbiy bölge makemesinde ukrain faaline dair davanıñ baquvı başlanğan.
• Ukrain faalni RF CKniñ böyle maddeler boyunca qabaatlaylar: 30 m. 1 b. ve 205 m. 1 b. (“Terroristik areketine azırlanuv”), 222 m. 1 b. (“Patlayıcı maddelerniñ satın alıp saqlap tutuvı”) ve 223-1 m. 1 b. (“Patlayıcı maddelerniñ yapılması”).

Bizni Telegram’da oquñız