Bunıñ aqqında Kanada tışqı işler naziri Melani Joli Ukraina TİN reberi Dmitriy Kulebanen umumiy matbuat konferentsıyası vaqtında bildirdi. 

Qayd etilgeni kibi, Joli buna yekâne yolu dep Rusiyeni arbiylerni çekmege çağırdı. Bundan da ğayrı, Qırım işğalini ve Ukrainanen sıñırında rusiye arbiylerniñ toplanuvını mahküm etti. 

“Ziyaretim - Ukrainanen ve ukrainlernen birdemligine desteginiñ numayışı ola. Kanada, Ukrainanen sıñırında Rusiye arbiylerniñ bir yerge toplavınen qasevet çeke. Biz ise - Ukrainada ve Ukraina etrafında faaliyetiniñ stabilsizleşüvinen qasevet çekemiz. Kanada, Ukrainanen sıñırında rusiye quvetlerniñ bir yerge toplavını mahküm ete. İşğalnıñ ıntıluvlarını ve Qırımnıñ qanunsız işğalini mahküm etemiz. Ögge olabilgen tek yekâne yolu bar - Rusiye, arbiylerni çekip mündericeli müzakeresine qoşulmaq kerek”, - dedi Joli.

Daa qayd etkeni kibi, Ukraina etrafında Rusiye silâlı quvetlerniñ bir yerge toplavı qabul etilmez ola.

Tafsilâtlıca oquñız: Rusiye arbiylerini işğal etilgen Qırımğa yañı oqutuvlarda iştirağı içün alıp ketirdiler

“Yekâne cebesi olıp çıqamız ve bu zor vaziyette Ukrainanıñ destegini azırlaymız. Vaziyet nezaret astında bulunmaqtadır. Buna köre, telâş çıqarmaq kerekmey dep rica etem. Ukrainler başını suvuqlaşıp, göñülini ise - sıcaqlaştırup yeñeler, bunı ep aqılıñızda tutuñız”, - yekün çekti Ukraina tuşqı işler naziri Dmitriy Kuleba. 

Belli olğanı 

• Rusiye, Ukrainanen sıñırına arbiy vertolötlarnı alıp ketirmege başladı. Bu adım tek şunı isbatlaybile ki, ücümniñ planlaştıruvı alâ daa bar, çünki sıñırda rusiye arbiylerniñ sayısı soñki aftalar devamında turğun olup qala. 

Bizni Telegram’da oquñız