Bunıñ aqqında Aleksey Reznikov, territorial mudafaasınıñ sistemasınıñ açıluvınıñ ameliy ceetleri boyunca muşaveresi vaqtında tarif etti, bildire Ukraina mudafaa nazirliginiñ matbuat hızmeti.

“Silâğa tek reberliginiñ idaresi astında bulunğanları almaq kerekler ve vatandaşlarnen beraber öz evniñ ve Ukrainanıñ meraqlarınıñ imayesi aqqında tüşünecekler. Başqa maqsatlarnen olğanlarına  TM sıralarına kirmege tırışmağa tevsiye etmeyim”, - qayd etti Reznikov.

Şimdi 150 ziyade batalyonnı (rayonğa bir batalyon) birleştirecek olğan TM’nıñ 25 brigadasınıñ (bir vilâyet - bir brigadası) şekillenüvi süre. Tınç vaqıtta    TM quvetlerniñ daimiy sayısı, 10 biñ arbiy hızmetçisi olacaq. Ayrı devriniñ ştatı boyunca  TM quvetlerniñ bölükleri 130 biñ insandan ibaret olacaqlar, bunıñ içün uyğun yedegi teşkil etilecektir, añlattı Reznikov. 

Nazir qayd etkeni kibi, TM sistemasınıñ açıluvı üç devrinde olunacaq. İlk soyunda TM quvetlerniñ brigadaları ve batalyonları barışıqlıq vaqtınıñ ştatı boyunca açılacaqlar. 

“O, aynı şimdi oluna. Er batalyonda USQ arbiy hızmetçilerinden ittifaqdaşlar özegi şekillene. Olarnıñ vazifesi kommandalıq, oqutuv ve  TM yedeginde hızmet aqqında muqavele tizecek ve yaşağan territoriyasını imaye etecek olğan şahıslarnıñ kelişüvi ola”, - ayttı UMN başı ve şunı qoştı ki, bu yedekçileriniñ sayesinde er batalyon, 600 şahıstan ibaret olacaq.

Ekinci devri: batalyonlar ve brigadalarda arbiy hızmetçilerinden teşkil-idare etici özegi teşkil etilgen ve uyğun şaraitler temin etilgen soñ ayrı devirdeki ştatlarnıñ artında TM yedekniñ teşkil etilmesi. 

“Muqaveleni tizicek ve TM’de hızmet etecek olğanlarnıñ artında silâ tesbit etilecek. Oqutuvlar vaqtında ya da ayrı vaqialarnıñ peyda olğan alda alıp berilecek”, - qayd etti Reznikov.

TM’nıñ üçünci devrinde ayrı devri içün barışıqlıq vaqtı ve yedekniñ şekillendirüvinden soñ bazı mesken noqtalarında territorial cemiyetlerniñ ihtiyariy teşkilâtlarnıñ teşkil etilmesiniñ kerekligi aqqında meselesi baqılacaq.

“Bu şekillenüvlerniñ iştirakçileri şahsiy av silâsınen kerek olsa, devriyege, obyektlerniñ imaye etilmesine qoşulabileler”, - qayd etti Ukraina Mudafaa naziri.

Bizni Telegram’da oquñız