Bunı “Qırım birdemligi” bildire. 

“Qırımtatarı Yaşar Şihametovğa Cenübiy arbiy bölge makemesi, sıñırlama tedbirini daa üç ayğa uzatqan”, - denile beyanatta. 

Qayd etilgeni kibi, 2021 senesi ilk qış ayında Şihametovğa dair diñlevi, eki kere başqa künge tayin etile edi: konvoycılarnıñ yetmemezligi içün makemege onıñ teslim etmemezligi sebebinden. Buna köre, siyasiy mabusınıñ tevqif müddeti aydan ziyade soñuna yetken. 

Sıñırlama tedbiriniñ daa üç ayğa uzatuvı aqqında prokurornıñ şefaatı, Şihametovnıñ zıtına tiydi.

“Şihametov duvarlarnı ve “akvariumdaki” skemlesini yumruqlar ile urmağa başladı. Böyleliknen, devlet qabaatlayıcını diñlemege istemesizligini köstere edi. Ağır nefesi ve titregen sesi ile makemelengen, qabaatsız olıp bu sebepten devlet organlarnıñ vekiliniñ qabaatlayıcı delillerni diñlemege istemey dep tekrarlay edi: “Siznen çalışmağa istemeyim!”, - alıntı ketire siyasiy mabusınıñ sözlerini “Qırım birdemligi”. 

Qabaatlanğan, makemege eki şefaatınen muracaat etken: makeme kollegiyanıñ ve prokurornıñ  çıqaruvı aqqında, amma red cevabını alğan. 

Belli olğanı

• 2021 senesi uvut aynıñ 7 işğal etilgen Qırımnıñ bir qaç rayonında faallerniñ evlerinde kütleviy tintüvler keçti, olarnıñ neticesinde altı insan tutıp alınğan: Azamat Eyüpov, Yaşar Şihametov, Lenur Seydametov, Timur Yalkabo , Ernest İbragimov ve Oleg Födorov. 

Bizni Telegram’da oquñız