Rusiye arbiyleri Aqrusiyege umumiy oqutuvlar arfesinde keleler

Присяжнюк Владислава
·
11:35, 18 Qaraqışay
Rusiye arbiyleri Aqrusiyege umumiy oqutuvlar arfesinde keleler
Foto menbası: Міноборони РФ

Rusiye, Aqrusiyenen ve öz territoriyasında umumiy arbiy oqutuvlarnı keçirmege planlaştıra - olarğa azırlanuv, uvut aynıñ başında ötkerilecek olğan “İttifaq azimkârlığı - 2022” oqutuvlardan soñ başlanacaq.

Bunıñ aqqında Minskte Rusiye elçisi Boris Grizlov TASS intervyüsinde bildirdi

“Oqutuvlar ucut ayında başlanıp “İttifaq azimkârlığı - 2022” adlanılacaqlar… “İttifaq azimkârlığı - 2022” bitecek ve “İttifaq qalqanı - 2023” yañı oqutuvlarına azırlığı başlanacaq. Ve bu oqutuvlar Rusiye territoriyasında keçirilecekler”.

O, Rusiyeni tecavuziy planlarında qabaatlavlar içün sebebi olabilgenini red etmey, çünki Rusiye ya da Aqrusiyeniñ territoriyasında er bir arbiy oqutuvlar aqqında haberi olsa, Ğarp türlü qorqutuvlar aqqında ilân etmege başlay. 

Bunen beraber, Grizlov şunı bildire ki, rusiye ve aqrusiye arbiyleri “derslerni elâ keçirip” ep “daimiy bulunğan yerlerine qayta ediler”. 

Belli olğanı

  • 10 biñden ziyade rusiye arbiy hızmetçisi, işğal etilgen Qırımda ve Rusiye vilâyetlerindeki poligonlarında yañı yılda ilk derslerini başladı. 
  • Yanvar aynıñ 9 RF Qradeñız flotnıñ arbiy deñız quvetleri işğal etilgen Qırımda nevbetteki oquşlarını keçirdiler.
  • Qara qış aynıñ 8 RF Qara deñiz flotı, işğal etilgen Qırımda, Novorossiyskte ve toqtav yerlerinde furtunalı ava şaraitlerinde nevbetteki qurtaruv quvetlerinen idmanlarnı keçirdi.
  • AQŞ Ukraina sınırları boyu yañı arbiy oquşlar sebebinden Rusiyeden añlatuvlar bekleyler.

Bizni Telegram’da oquñız