BMT’ge Qırımda işğalcılarnen keçirilgen cınsiyet tecavuzı siyaseti aqqında beyanatnı yolladılar
Qırım reintegratsıya birleşmesi, beden ve ruhiy sağlığınıñ daa yüksek seviyesine er kesniñ aqları boyunca BMT maruzacısı Tlaleng Mofokeng hanımğa onıñ “Tecavuz ce sağlıq aqqına onıñ tesiri” araştıruv mevzusınıñ çerçivelerinde beyanat yolladı.
Bunıñ aqqında QMC saytında yazalar.
Qayd etilgeni kibi, vesiqa, qırımlılarnıñ insan aqlarına ve etnik gruppalarnıñ aqlarına dair “QMC” ekspert araştırmalarına ve bunen beraber uyğun medeniy, iqtisadiy, içtimaiy ve maliyeviy neticelerinden ibaret olğan olarnıñ inkişaf, yemek, suv, sağlıq aqlarına esaslana edi.
BMT’de birleşmesiniñ beyanatı, cınsiyet tecavuzı, davası, ayrıca qırımtatar halqnıñ qadınlarına dair tecavuzı ile peyda olğan vaziyetine bağışlanğan edi. “QMC”, işğal etilgen Qırımda tibbiyet yardımınıñ sistemasınıñ piçleşüv çerçivelerinde koronavirus pandemiyasınıñ ciddiy menfiy tesirini esapqa alıp işğalnen peyda ettirilgen böyle cınsiyet tecavuzınıñ ceetlerni tasvir etti.
Birleşme, öz arizada BMT maruzacısına Qırımda cınsiyet tecavuzı davasınen bağlı meseleler Rusiyege ait olğan memuriyeti tarafından uyğun cezasızlıq vaziyetinen peyda ettirilgenlerini isbatladı.
Bizni Telegram’da oquñız
