Rusiye ucumlanmaq içün sebebini yaratmağa niyetinnen Donbasta başqasınıñ bayrağı ile mahsus operatsiyanı azırlay - Sallіvan
AQŞ prezidentnıñ milliy telükesizlik suallerden muavini Ceyk Sallіvan beyna etti ki,Rusiye ucumlanmaq içün sebebini yaratmağa niyetinnen kene de Donbasta başqasınıñ bayrağı ile mahsus operatsiyanı azırlay. Aytqanına köre, böyle plan ile Rusiye 2014 senesi areket ete edi.
Bunı Beyaz Evde olğan brifing devamında, AQŞ prezidentnıñ milliy telükesizlik suallerden muavini Ceyk Sallіvan, istihbaratnıñ malümatlarına bağlanıp, beyan etti.
AQŞ istihbaratnıñ malümatlarına köre, Rusiye bu mahsus operatsiyanı yerine ketirmek içün endi askerlernıñ operativ taqımını azırladı.
“Bizimi istihbarat cemiyetimiz yañı malümatlarını aldı. Bu malümatlarğa köre, Rusiye, Ukrainağa ucumlanmaq içün, imkânını qalp etmege azırlana. Bu shema ile ruslar 2014 areket ete ediler. Demek, olar kene de oñı işletmege tırışalar”, - Sallivan ayttı.
CNN amerikalı memuriyetnıñ resmiy vekili beyan etti ki, isbatlarına köre, bu diversanlar şeyer şartlarına cenkâver areketlerini keçirmege ve patlav maddelernen qullanmağa ögrendiler.
Belli olğanı
- Ukraina Mudafaa nazirliknin Baş istihbarat idaresine haber ettiler ki, rus mahsus hızmetleri Ukrainanı qabaatlamaq içün Rusiye Silâlı quvetlernıñ askerlerine qarşı provokatsiyalarını azırlaylar.
- İşğal etilgen Qırımda yerleşke Cenübiy arbiy ortalıqnıñ 22 ordu bölügine raketa divizionı qoşulacaq. Daa 2022 senesi AQM ordularına 3 bin tehnika ve silâlav aletleri qoşulacaqlar.
- AQŞ devlet kâtibnıñ muavini Vіktorіâ Nuland beyan etti ki, RF Ukraina sınırda 100 bin askerlerini topladı ve Ukraina içki vaziyetini bozmağa içün planını tizdi.
Bizni Telegram’da oquñız