Avropa birligi Ukrainağa qarşı yapılğan kiberucumını maküm etti
Avropa birligi yanvar aynıñ 14 Ukraina ükümet saytlarına qarşı yapılğan kiberucumını maküm etti ve oñı ruhsetsiz adlandırdı.
"Іnterfaks-Ukraina" malümatlarına köre, bunı yanvar aynıñ 14 tış ve telükesizlik siyaset suallerden AV Yuqarı vekili Jozep Börrel beyan etti.
“Ukraina ükümet saytlarına yapılğan kiberucum ruhsetsiz sayıla. Böyle areketleri ile Ukraina içki vaziyetini destabilizatsiya etmege ve öyle de kergin vaziyetnıñ eskalatsiyasını başlamağa ola bileler”, - beyan etti.
Börrel qayd etti ki, “Ukraina quvetli kiber mudafaası sebebinden tez ve qattı derecede bk ucumlarını toqtattı”.
“Avropa birligi ve onıñ aza-devletleri Ukrainanen bağlanalar ve bu ucumnıñ neticelerini yoq etmek içün ve kelecek kiber ucumlarnıñ ögüni almaq içün qoşma tehnik yardımını tamin etmege azırlar. Biz Ukrainanıñ suverenitetine ve halqara qanunlarğa köre qayd etilgen sınırları ile territorial bütünligine şübesiz imdat bildiremiz”, - Börrel ifadeledi.
Belli olğanı
- Yanvar aynıñ 13 gecesine hakerler ükümet saytlarına ucumlandılar. Daa yanvar aynıñ 14, saba saat 8 “Diya” portalğa vaqıtace irişim yoq edi.Saat 10 çoqsı devlet resurslarına irişim endi ğayrıdan tiklengen edi.
- Strategik komunikatsiyalar ve malümat telükesizlik Merkezinnen keçirilgen tedqıqatnıñ neticelerine köre, ükümet saytlarına ucum Rusiye Federatsiyanen yapılğan edi.
Bizni Telegram’da oquñız