AQŞ Cenatında keçirilgen rey berüvnıñ yayınlavnınnen Ruptly YouTube platformasına paylaştı.

Şu zamanda AQŞ  Demokratik firqanıñ 26 senatorları yañı qanun leyhasını resmiyleştirdiler. Oña köre,  eger RF Ukrainağa ucumlansa, Rusiye prezidentine Volodimir Putinge qarşı şahsiy sanktsiyalar qabul etilecekler. 

Ondan ğayrı bir qaç rus banklarına qarşı sanktsiyalarını qayd etmege niyet eteler.  Daa halqara SWIFT sistemanen hızmet etilgen kompaniyalar bu qanun leyhanıñ tesirine tuşecekler. Lâkin bu teşebbüs ne zamanda baqılacak daa bilinmez qala. 

Tafsilâtlıca oquñız: Amerikalı kongresmenler-cumhuriyetçiler Ukrainanı “NATO-plüs” devletnen ilân etmege teklif ettiler

Belli olğanı 

• AQŞ senatorları, “2’ci Şimaliy aqımına” qarşı tez sanktsıyalarnı tahmin eteler.

• Bir qaç amerikalı senatorlar-demokratlar yanvar aynıñ 10, aqşama Co Bayden AQŞ prezidentnıñ memuriyetnıñ vekillerinnen körüşüvden soñ beyan ettiler ki, olarnıñ fikirlerine köre, Ted Kruz cumhuriyetçi-senatornen imdat etilgen “Şimaliy aqım-2” rus gaz boruğa qarşı sanktsiyalar Almaniya ile siyasiy munasibetlerini bozmağa ola bileler.

• Keçken yılnıñ ilk qış ayında AQŞ prezidenti Co Bayden, 2022 senesine mudafaa bücetini imzaladı, amma “2’ci Şimaliy aqımı” gaz borusına qarşı yañı sanktsıyalarından vesiqada vazgeçtiler. 

• Vitse-kantsler, Almaniyanıñ yañı alimiyetinde iqtisadiyat ve energetika naziri Robert Gaben ilân etkeni kibi, “2’ci Şimaliy aqımı”, geopolitik hatası olğanını ilân etti. Gaz borusınıñ areketke keçirüvine yöneliş tutqan evelki ükümetniñ  basqısı aqqında da bildirdi. 

• Orta küz aynıñ 18 belli olğanı kibi, “2’ci Şimaliy aqımı” gaz borusınıñ ilk yipi, endi tehnikiy gazınen toldurılğan, ekinci yipniñ areketke ketirüvi, endi süre. 

• “Gazpromda” ilân etkenleri kibi, ilk küz aynıñ 10 sabasına qadar “2’ci Şimaliy aqımı” gaz borusınıñ qurucılığı, bütünle bitirilecek.

Bizni Telegram’da oquñız