Haker ucumı aqqında Ukraina maarif ve ilim Nazirligi haber etti.

Bu ükümet saytları vaqıtace çalışmay ediler: mebusler kabinetnıñ saytı, TİN,FVMH, MİN, sport nazirliknıñ, agrosiyaset nazirliknıñ,  veteranlar  ve devlet hazine idarenıñ saytları. 

Tış işler nazirliknıñ ve bazı başqa nazirliklernıñ saytlarına ukrain, rus ve leh tillerde böyle haber peyda oldı:

“Ukraina grajdanı! Senıñ şahsiy malümatlar içtimaiy ağda yerleşken. Kompyüterde olğan malümatlar ğayıp olalar, olarnı ğayrıdan tiklemek mümkün degil. Siz aqqında malümatlar açıq oldılar.  Qorquñız ve daa biterını bekleynız. Bu keççmişınız, kerçegiñız ve kelecegiñız içün. Volın, OUN UPA, Galiçina ve Polissâ, tarihiy topraqlar içün”.

Bu haberini saba saat 8 körmege mümkün edi. Yarım saattan soñ o ğayıp oldı.

Saat 10 çoqsı devlet resurslarına irişim endi ğayrıdan tiklengen edi. Bunı raqamlar Nazirligine haber ettiler.

“Ânvar aynıñ 13-14 olğan global kiberucum sebebinden Maarif ve İlim Nazirliknıñ resmiy saytı vaqıtace çalışmay… Saytlarnıñ köntentı denişmesiz qaldı, şahsiy malümatlar coyulmadı.  Başqa saytlar yaqın zamanda öz areketlerini ğayrıdan tiklecekler”, - haberde aytıla.

Ğayrıdan tiklev işler devam eteler,  kiberpolitsiya çalışa. İdarede MİN remiy vebresurslarnen qullanmağa rica ettiler.

Daa yanvar aynıñ 14, saba saat 8 “Diya” portalğa vaqıtace irişim yoq edi. Şimdiki vaqıtında Devletmahsusbağlamda haber ettiler ki,  “Diya” mobil ilâvesi adiy rejimde çalışa.

TİN vekili Oleg Nіkolenko haber etti ki,  zenaatçilar endi ІT-sistemalarnıñ ğayrıdan tiklemesi ile çalışalar.

Saba saat 8.45  Ukraina fevquale vaziyetler  Devlet hızmetınıñ saytı de çalışmay edi. Lâkin medeniyet ve malümat siyaset saytına kirmege mümkün edi. Ondan ğayrı Ukraina Yuqarı Şuranıñ  ve prezidentnıñ saytları çalışa ediler.

Ukraina telükesizlik hızmeti haber etti ki, bir qaç ükümet saytlarına kiberucumlar etildi,  lâkin şahsiy malümatlar qorçalanğan ediler. 

Bu saytlarnıñ baş saifelerine qızıştırma haber yerleştirgen edi. Lâkin saytlarnıñ köntentı denişmesiz qaldı, ve olğan malümatlarğa köre, şahsiy malümatlar coyulmadılar”, - idarenıñ haberine aytıla.

UTH, kiberpolitsiya ve devlet mahsus bağlanuv hfzmetı bu qavğanı tedqıq eteler ve raqamlı isbatlarını toplaylar.

Ukrainanıñ Yaponiyada yelçihanesi ükümet saytlarına peyda olğan yazılarını tefsir etti.  Olarnıñ fikirlerine köre, haber insanlarını yalandatmağa mecbur.

“Bu Lehistandan yapılğan kiberucumğa benzey, lâkin şübesiz, bu Rusiye tarafından nevbetteki provokatsiyadır… Ükümet resurslarına uyğun ya da başqa provaktsion haberlerini körseñız - unutmañız, Ukrainada cenk devam ete”, - yelçihane  Facebook saifesinde fikirinnen paylaştı.

Bizni Telegram’da oquñız