Uyğun qararını Milliy şura oturuşına qayd ettiler. 

“Sebebi - telekanal hadimleri bir  programmada Qırım Rusiye Federatsiyanıñ qısımı dep ayttılar. Bu tecavuziy devletnıñ teşviqat yayınlavıdır”, - haberde aytıla. 

Litsenziatnıñ teşkerüvi 2021 senesi boş aynıñ 1 keçti, o telekanalnıñ ilk küz aynıñ  25 eterini tedqıq etti.  O vaqıtace "Daçna vіdpovіd" programmanıñ yazuvı çıqqan edi. O 2016 senesi "Teletseh" rus kompaniyası yazğan edi. Anda Qırım bu Rusiyenıñ qısımı dep aytılğan edi.

Milliy şura diqqat etti ki,  Qırımnıñ RF territorial mensüpliknıñ suali - Ukraina malümat telükesizliknıñ  ve milliy meraqlarnıñ suali ola. Bu sebepten böyle malümatlarnıñ tarqatuvına ayrı diqqat etmege mecbur. 

Telekanal programmalarnıñ tehnik teminlevini ve azırluvını teşkirmege ve eterge çıqqan malümatlar içün mesülietini çekmege mecbur. Lâkin telekanal hadimleri kerekli muarririy ve tehnik nezaretini yerine ketirmediler. Regulâtor qayd ete ki, bu sebepten tecavuziy devletnıñ areketlerını, yani qanunsız işğalini aqlayıp, Ukraina territoriyasında rus teşviqatını tarqata.

Milliy şura “K2” telekanalnını“Televizion ve radioyayınlav aqqında” qanunnıñ bozuvına qabaatlı tanıdı ve litsenziatını qanunlarğa köre areket etmege mecburladı.

Bizni Telegram’da oquñız