Buñı o Anqarağa iş ziyaretnen barğan ukrain mebuslernen körüşüv vaqıtında beyan etti.  Bu malümatlarnen QIRIM. News paylaştı.

Kiliç qayd etti ki,  bu bağlamda onıñ devleti Qırım platformasına imdat bildirte.

“Turkiyenıñ Qırım ve Donbas sebebinden fikiri kerçek ve açıq - biz Ukraina territorial bütünlgine ve severenitetine imdat bildirtemiz. Turkiye ukrain Qırımnıñ işğal etüvini iç bir vaqıt qabul etmedi ve etmecek, bu Turkiye Cumhuriyetnıñ printsipial fikiridir. Bu bağlamda biz “Qırım platformasına” imdat bildirte. Biz Ukrainanıñ Donbastaki problemalarını tınç usullarnen çizmege ğayretlerine qol tutatmız”, - Turkiye tış işler parlament komitetnıñ başı qayd etti.

Aytqanına köre,  Turkiye Rusiyenı Qaradeñız regionda kerginleşüvini toqtatmağa tenbiley. Şu zamanda o qoştı ki, onıñ devleti içün Qaradeñız regionnıñ telükesizligi esas maqsadınnen ola.

“Biz regiondaki vaziyetnıñ inkişafını diqqatnen nezaret etemiz.  Qara deñızdeki telükesizlik ve tınçlıq Turkiyenıñ esas maqsadınnen ola. İnanamız ka, regiondaki vaziyetini kerginleşken adimlerden vazgeçmek kere.  Dialog kanalları açıq olmaq mecbur, bu pek müimdır. Bu bağlamda RF ve Turkiye arasında olğan dialog pek müim ola. Biz Rusiyenı bu regionda kerginleşüvini toqtatmağa tenbileymiz”, - ayttı.

Haber etile ki,  Kiliç Turkiye ve Ukraina arasında azat ticariy zonası aqqında Añlaşmanı tezce  imzalamağa çağırttı. Bu bağlamda o mudafaa-sanayı sanada işirligini müim sayya,  ve qayd etti ki, bu işbirlik uçucısız aletler ve arbiy gemiler aqqında leyhalarına inkişaf ete. 

Ondan ğayrı, Turkiye Ukrainanen beraber siyasiy mabuslernıñ qurtaruvı içün işbirligini devam ete. Bunı şahsiy Facebook saifesinde Ukraina milliy mebusı Rustem Ümerov haber etti. Şimdiki vaqıtında o ukrain mebusler vekilâyetinnen beraber Ankarda buluna. 

Menba: facebook.com/rustemumerov.ua

Mebus Turkiye tış işler nazirnin muavinine Yavız Selim Kirangha ve Erdogan prezidentnıñ turkiye diaspora suallerden mesleatçisına Yalçin Topçuğa işğal etilgen Qırımda olğan qırımtatarlarnıñ siyasiy taqıpler aqqında malümatlarını berdi. 

“Turkiye Qırımdan siyasiy mabuslerini azat etmek içün faydalı ortacıdır.  Bu yönelişte işbirlikmıznı devam etecemiz ve vatandaşlarmıznı qurtarmağa tırışacamız”, - Ümerov ayttı.

Daa o qoştı ki,  ukrain vekilâyeti turk zenaatdaşlarına Ukraina territorial bütünliknıñ imdatı ve ukrain territoriyalarnıñ işğalinnen razı olmağanları sebebpten teşekkürler bildirte 

“Endi biz zenaatdaşlarımıznen beraber Qırım platformanı parlament derecede faalleştirmek içün çalışacamız”, - Ümerov ayttı.

Daa oquñız: Türkiyede Qırımtatar medeniyet künleri keçken

Parlamentçi qayd etti ki,  Turkiyede eñ balaban qırımtatar diasporası yaşay. Bu sebepten olarğa halqımıznen bağını inkişaf etmege ve medeniy kimligini saqlamağa pek müimdır.

“Zenaatdaşlarımıznen beraber zeyarayet devamında Ukraina ve Turkiye arasında maarif ve medeniy denişmelerini ve yañı leyhalarnıñ qayd etüvini muzakere ettik. Bağımıznı inkişaf etmege niyetimiz bar. Misal olaraq,  keçken yılı siyasiy mabuslernnı 50 balasa Turkiyege raatlamaq içün yollanğan ediler”, - qoştı.

Malümat olaraq

• Haber vastalarda Ukraina sınırları yanında yüz bin rus askerlernıñ toplaşuvı aqqında yazğan ediler. Bu sebepten çoq devletler ve NATO raatsızlıqlarını bildirttiler.Turkiye ise Ukrainağa ve Rusiyege aracılıq yapmağa azırlığı aqqında beyan etti. Turkik Qaradeñız regionnıñ telükesizligine qol tuta ve qırımtatar halqına ayrı diqqat ete.
• Prezident Vladimir Zelenskiy, Türkiyeni Ukrainnıñ esas ortaqlar ve ittifaqdaşlarından biri dep adladı.
• Türkiye, Qırımnı Rusiye qısmı olaraq tanımağanını kene de tasdıqladı. Aynı zamanda, Rusiye Türkiyeniñ Qıırm ile bağlı mevamını añlay. Rusiye prezidentiniñ matbuat  kâtibi Dmitriy Peskov, memleketleri arasında Qırım ile bağlı mevam farqlı olğanını tanıdı. 
• Cemhuriyet prezidenti Tayip Erdoğan, Türkiye, Rusiyenen yapılğan Qırım işğalini qabul etmegenini ilân etti.

Bizni Telegram’da oquñız