Bunı o Brükselde keçirilgen Rusiye-NATO Şuranıñ sammitinden soñ olğan brifing devamında haber etti.

“Tek Ukraina ve NATO 30 devleti kiriş aqqında qararını qayd etmege ola bileler, Rusiyenıñ bunı yasaq etmege aqı yoq”, -  NATO general kâtibi ayttı.

Stoltenberg qayd etti ki,  Ukraina NATO azası degil, bu sebepten arbiy yardım aqqında 5 maddenıñ oña munasibeti yoq.

Avropada imkânı olğan arbiy qavğa aqqında suallerine cevap bergende o ayttı ki, böyle qavğanıñ telükesi bar.  Bu sebepten Alyans Rusiyenen silâlaştıruvnıñ nezaret tedbirlerini muzakere ete.

Stoltenberg aytqanına köre,  Ğarp kütleviy cenknıñ telükesini Avropa Birliknıñ territoriyasında yoq etmege azır.  Lâkin Ukrainada cenk başlansa, başından qoşulmağa niyeti yoq.

“Riusiye kene de konfrontatsiyanı seçmege ola bile. Buna azır olmaq kerek. Bu sebebpten biz aqıqıy beyan ettik ki,  Ukrainağa qarşı cenkâver areketlerlernıñ başlanuvı Rusiye içün strategik hatanen olacaq”, - NATO general kâtibi ayttı.

Daa oquñız: RF tarafından şantaj Qırım platformanıñ NATO tarafından imdatına tesir etmez – Stefanіşina

O qayd etti ki, avropalı devletlernıñ territorial bütünliknıñ ve suverenitetnıñ printsipleri ille biz razılaşmaq azır degil. General kâtibi aytqanına köre, NATO ortaqları RF qavğa deeskalatsiyasına çağırta ediler.  Alyan hatırlattı ki, RF öz quvetlerinnen Ukrainağa qarşı işlettire edi,  Qırımnı işğal etti,  Donbastaki cinayetçilerini nezaret etken edi.  Ondan ğayrı,  tecavuz devam etse,  Rusiyenı ciddiy neticeler aqqında tenbilediler.

"Rusiyenıñ Gürçistanda,  Ukrainada,  Qırımda ve Moldovada arbiy quveti bar.  Arbiy quvetleri bu devletlernıñ ükümetlerini raatsızlatalar. Olarnı birisi davet etmey edi. Biz Rusiyenı öz quvetlerini bu devletlerden çıqarıp,  Gürçistannıñ, Ukrainanıñ ve Moldovanıñ suverenitetını ve devlet sınırlarını ürmet etmege çağırta edik. Avropadaki telükesizligi ve tınçlığı içün bu pek müimdir.  Biz Rusiye ile dialogına qoşuldıq, lâkin avropalı devletlernıñ territorial bütünliknıñ ve suverenitetnıñ printsipleri ille biz razılaşmaq azır degilmiz”, - Stoltenberg ayttı.

Yens Stoltenberg ile brifingnıñ esas fikirleri

1. Taraflar Avropada raketalı silâlaştıruv ve özek silâlar suallerden añlaşmağa mecburlar.  Lâkin böyle körüşüvler ne zamanda keçirilecekler malümatlar daa yoq.  Şu zamanda, NATO General kâtibi qayd etti ki, Ğar deeskalatsiyağa çağırta.
2. Stoltenberg aytqanına köre, Rusiye Ukrainanı NATOğa qabul etmemege çağırta edi,  Alyans böyle kefaletini bermege red etti, lâkin “er bir devlet içün qapularını açıq qaldırdı”.
3. O Rusiyenı tecavuziy devletinnen adlandırdı ve Ukrainağa qarşı arbiy areketlerini qayd etti. O tenbiledi ki, eger RF Ukrainağa ucumlansa, bu arektelernıñ fiyatı Rusiye içün yüksek olacaq.
4. Alyansta Moskvada NATO ofisnı ve Brükselde rus vekilâtnıñ yaratuvını muzakere eteler.
5. Rusiye NATO ile körüşüvlerini çeşit formatlarında keçirmege ğayyege imdat bildirtti, lâkin kerçek teklifler daa yoq. 

Malümat olaraq

• Almaniya ükümetnıñ resmiy vekili Şteffen Hebeştrayt beyan etti ki,  şimdiki vaqıtında Ukrainanıñ NATOğa kirmesi baqılmay. Şu zamanda o qoştı ki, er bir devletnıñ NATOğa qoşulmağa ya da yoq qararını çıqarmağa aqqı bar. 
• Rusiye prezidenti Vladimir Putin ilân etkeni kibi, AQŞ ve NATO “telükesizlik kefaletlerine” dair Kremlniñ talaplarını eda etmeseler, o, “türlü cevaplarnen” yavaşlanmaz.
• İşvetsiya NATOğa yañı azalarını qabul etmemege Rusiyenıñ teklifini red etti. 
• NATO baş kâtibi Yens Stoltenbern Gurcistanniñ ve Ukrainaniñ ortaqlarini saylap almağa aqlari bar, daa ifadeledi ki,Alyans Ukrainadaki vazietini nezaret etecek.

Bizni Telegram’da oquñız