2022 senesi işğalcilar ava mudafaa ordularına eki dane yañı bölügini yaratacaqlar

Любезна Катерина
·
14:05, 12 Qaraqışay
2022 senesi işğalcilar ava mudafaa ordularına eki dane yañı bölügini yaratacaqlar
Foto menbası: structure.mil.ru

Cenübiy arbiy ortalığı 2022 senesi eki dane motoatış bölüklernıñ yaratuvını yerine ketirmege niyet eteler.

Bunı AMO komandanı,  ordu generadı Ölesandr Dvornikov haber etti.  Bu malümatlarnen Rusiye Mudafaa nazirligi paylaştı.

“Bu yıl devamında eki dane bölüknıñ yaratuvını bitirecemiz, olarnıñ terkibinde daa motoatış ve tank batalyonlarını yaratacamız, bu areketler ortalıqnıñ cenkâver imkânlarını quvetleştirecek”, - Dvornikov beyan etti. 

Ondan ğayrı, 2022 senesi AMO zenaatçilarnıñ azırluvı içün 415 oquv merkezi areket etmege başlacaq.  Anda 5 binden ziyade aydavcilarını, mehaniklerini azırlacaqlar.  Olar AMO umumiy birleşüalernıñ,  Qaradeñız Flotnıñ ve Kaspiysk flotiliyanıñ faydasına çalışacaqlar.

Malümat olaraq

  • 2020 senesi 58-ci umumiy arbiy ordunıñ terkibine 19-ci motoatış diviziyası yaratılğan edi. 2021 senesi 8-ci umumiy arbiy ordunıñ terkibine 20-ci motoatış diviziya aratuvnıñ birinci deviri soñuña keldi.

  • Rusiye regionlarındaki ve işğal  etilgen Qırımdaki poligonlarına  10 bin rus askerlerden ziyade yañı yılda birinci idmanlarını keçirdiler.

  • Yanvar aynıñ 9 RF Qradeñız flotnıñ arbiy deñız quvetleri işğal etilgen Qırımda nevbetteki oquşlarını keçirdiler.

  • RF Qara deñiz flotı, işğal etilgen Qırımda, Novorossiyskte ve toqtav yerlerinde furtunalı ava şaraitlerinde nevbetteki qurtaruv quvetlerinen idmanlarnı keçirdi. 

  • AQŞ Ukraina sınırları boyu yañı arbiy oquşlar sebebinden Rusiyeden añlatuvlar bekleyler.

Bizni Telegram’da oquñız