AQŞ Ukraina sınırları boyu yañı arbiy oquşlar sebebinden Rusiyeden añlatuvlar bekleyler
Rusiye Mudafaa nazirligine beyan ettiler ki, arbiy oquşlar maqsadınnen Ukraina sınırına ordularını ve askerlerini keçireler. AQŞ bekleyler ki, kerginleşüv çersivisinde RF Ukraina sınırlarına olğan vaziyetini añlaştırmağa ya da olarnı toqtatmağa mecbur.
Bunı Devlet departamentnıñ vekili brifing devamında beyan etti.
AQŞ devlet kâtibnıñ muavini Vendі Şerman beyan etti ki, Rusiye tarafından deeskalatsiya ismarınnen “ordularnıñ kazarmalarğa qaytuvı” olacaq. Ondan soñ tecavuziy devlet Voronej, Bilgorod, Brânsk ve Smolensk vilâyetlerinede arbiy oquşlarnıñ başlanuvı aqqında beyan etti.
“Biz fikir etemiz ki, böyle vaziyette rus askerlernıñ kazarmalarğa qaytuvları, bu areket añlatması ya da toqtatuvı ve silâlarnıñ adiy saqlav yerlerine qataruvı deeskalatsiyanıñ alametlerinen ola bile edi”, - Ned Prays ayttı.
Daa o qoştı ki, Rusiye ve AQŞ deeskalatsiya suallerden aytışmalarına teraqqiyat tek problemalı suallernıñ sadeleştirüvden soñ ola bile.
Malümat olaraq
- AQŞ devlet kâtibnıñ muavini Viktoriya Nuland beyan etti ki, Rusiye Ukraina vaziyetini bozmaq içün planlarını azırlay.
- Rusiye Ukraina sınırına arbiy gelikopterlerini keçirmege başladı. Bu adim ucumnıñ devamını isbatlay. Rus ordularnıñ sınırda cemisi soñki aftalar azlaşmay.
- Amerika Qoşulğan Ştatları azırlanalar ki, Rusiye Jenevre eki taraflı kefalet mesleatlar sebebinden qalp malümatlarını tarqatmağa tırışacaq.
- Yanvar aynıñ 9 RF Qradeñız flotnıñ arbiy deñız quvetleri işğal etilgen Qırımda nevbetteki oquşlarını keçirdiler.
- RF Qara deñiz flotı, işğal etilgen Qırımda, Novorossiyskte ve toqtav yerlerinde furtunalı ava şaraitlerinde nevbetteki qurtaruv quvetlerinen idmanlarnı keçirdi.
Bizni Telegram’da oquñız
