“Hizb ut-Tahrir davası” Qurman gruppanıñ iştiraqçisını Yemiruseinovnı Saratov vilâyetine etap ettiler
Siyasiy mabus Rustem Emirüseinov Saratov vilâyetine etap etildi. Oñı Hizb ut-Tahrir islam siyasiy firqanen munasibetine qabaatlap, qattı rejimnıñ 17 yıllıq apisine maküm ettiler.
Bunı “Qırım birdemligine” Rustem Emirüseinovnıñ ömür arqadaşı haber etti.
“Hizb ut-Tahrir davası” Qurman gruppanıñ iştiraqçilarını Novoçerkask şeyernıñ tevqıfhanesinden daa bir ay evelsi etap ettiler.
“Men Rostov vilâyetnıñ Novoçerkask şeyernıñ uçuncı tevqıfhanenıñ kantselâriyasınnen bağlandıs, anda bu yıl devamında menim ömür arkqadaşım buluna. Men bağlanmağa mecbur oldım, çünki endi bir ay devamında menim ömür arqadaşım aqqında malümatlar yoq”, - Aliye Emirüseinova haber etti.
Siyasiy mabusnıñ qorantasınnen subetinden soñ belli oldı ki, Novoçersk şeyerinden etap mektübini bizim ev adresimizge daa 2021 senenin aralıq aynıñ 9 yolladılar. Lâkin qorantasına bu mektüb kelmedi.
"Men ömür arqadaşımnıñ bulunğan yeri aqqında sorğu yolladım, yaqın vaqıtında cevap berilecek", - Aliye qoştı.
2020 senesi boş aynıñ 3 Şimaliy arbiy mahkemenen çıqarılğan qabaatluv ükümden soñ, aplâtsiyağa azırluv devirnıñ devamındp, yani 2021 senenin aralıq aynıñ ortasınace, “Hizb ut-Tahrir davası” Qurman gruppanıñ iştiraqçiları Novoçersk şeyernıñ uçuncı tevqıfhanesinde bulunğan ediler.
Apelâtsiya mahkemenıñ qararı qabul etüvden soñ, Rustem Emirüseinovnıñ ömür arqadaşı idarenıñ vekillerinnen bağlanmağa tırıştı. Novoçersk şeyernıñ uçuncı tevqıfhanesinde siyasiy mabusnıñ ömür arqadaşına haber ettiler ki, Rustem Emirüseinovnı Saratov vilâyetnıñ başqa penitentsir müessisene keçirdiler.
Malümat olaraq
- “Hіzb ut-Tahrіr" Qurman gruppasınıñ azalarını 2019 senesi fevral aynıñ 14 terrorizmde şübe ile toqtattılar. 2020 senesi boş aynıñ 3 Cenübiy ortalıq arbiy mahkemesi Rustem Emіruseіnovnı 17 yılılq, Eskender Abdulganіevnı - 12 yıllıq, Arsen Abhaіrovnı - 13 yıllıq apis cezasına mahkemeledi.
- Episi toqtatılğan insanlarını “Hіzb ut-Tahrіr" siyasiy islam firqağa munasibetli olğanına qabaatladılar. 2003 senesi RF bu firqanıñ areketi yasaq etildi. Ukrainada ve başqa devletlerde onıñ faliyeti qabul etile.Mudafaa ve iştiraqçilar ceryanını qalp etilgen dep adlandıralar.
- 2021 senesi boş aynıñ 1 Vlasihadaki Apelâtsiya mahkemesi Şimaliy arbiy mahkemenıñ qararını qabul etti. Qırımtatarlarını Rustem Emіruseіnovnı 17 yılılq, Eskender Abdulganіevnı - 12 yıllıq, Arsen Abhaіrovnı - 13 yıllıq apis cezasına mahkemelediler.
Bizni Telegram’da oquñız
