AQŞ Senatnıñ demokratları “Şimaliy aqım-2” qarşı Kruz sanktsiyalar sebepten Berlin ile munasibetlernıñ bozuvından qorqalar

Любезна Катерина
·
11:00, 11 Qaraqışay
AQŞ Senatnıñ demokratları “Şimaliy aqım-2” qarşı Kruz sanktsiyalar sebepten Berlin ile munasibetlernıñ bozuvından qorqalar
Foto menbası: trend.az

Bir qaç amerikalı senatorlar-demokratlar yanvar aynıñ 10, aqşama Co Bayden AQŞ prezidentnıñ memuriyetnıñ vekillerinnen körüşüvden soñ beyan ettiler ki, olarnıñ fikirlerine köre, Ted Kruz cumhuriyetçi-senatornen imdat etilgen “Şimaliy aqım-2” ru gaz boruğa qarşı sanktsiyalar Almaniya ile siyasiy munasibetlerini bozmağa ola bileler.

Bunı Reuters haber etti.

Devlet kâtibnıñ muavini Viktoriya Nuland ve energetik telükesizlik suallerden Baydennıñ mesleatçisı Amos Hohşteyn yanvar aynıñ 10 qapalı rejimde Kruz qanun leyhası suallerden  10 demokrat-senatorlar ile muzakere keçirdi.

Bu afta Senatta bu qanun leyha sebepten rey berüv keçirelecek - bu keçken ayda qad etilgen añlaşmanıñ qısımı, oña köre Kruz yelçiler vazifelerine nasip etüvini açmağa vade etti.  Qanun leyhası 60 ses qazanmağa mecbur. Qanun leyhası vekiller Palatasını keçmege ve Baydennen imzalanmağa mecbur.

Bir qaç senatorlar jurnalistlerge beyan ettiler ki,  memuriyetlernıñ memurları inandırıcı ediler.  Senator Kris Merfi beyan etti ki,  Kruznıñ qanun leyhası Almaniyanıñ yañı ükümetinnen munasibetlerini bozmağa ola bile. Şu zamanda Vaşington onıñ imdatı ile Rusiyege basım etmege ve Ukrainağa ucumını toqtatmağa niyet ete.

Daa oquñız: AQŞ senatorları, “2’ci Şimaliy aqımına” qarşı tez sanktsıyalarnı tahmin eteler

“Kruznen teklif etilgen denişmeler rus ucumnıñ ihtimalinı quvetleştire. Yañı alman ükümetine qarşı sanktsiyalarını qabul etmege keregi yoq. Olar öz fikirini deniştirdeler ve leyhanı başqa vaqıtında yerine ketirmege qarar çıqardılar”, - ayttı.

Rus gaznı Baltik deñızden Almaniyağa bermek maqsadınnen gaz borunıñ qurması ilk küz ayında toqtatılğan edi,  lâkin oñı  yılnıñ ortasına qayd etmege mümkün, çünki Almaniya sertifikatsiyasını yavaşlattı. 

Senator Dіk Durbіn ayttı ki,  başqa demokrat-senatornen Robert Menendesnen azırlanğan qanun ondan yahşı ve “Putinge küçlü signalını yollay”. Lâkin Mendes qanunı ile rey berüv ne zamanda keçecek - haberi yoq. 

Senator Tіm Keyn inandırttı ki,  Kruz qanun leyhasına alternativa peyda olsa, o olarnı qıyaslamağa ister edi.

Senator Con Tester Kruznıñ qanun leyhasına qarşı çıqacaq mı haber etmedi, lâkin qayd etti ki,  Baydennıñ vekillernıñ fikirlerine köre,  Rusiyenıñ Ukrainağa ucumını toqtatmaq içün Almaniyanıñ imdatı kerek.

Daa oquñız:  Rusiye, Avropa haritasını quvet ile deñiştirse, onı sanktsıyalar bekley - Finlândiya TİN

Malümat olaraq

  • Keçken yılnıñ ilk qış ayında AQŞ prezidenti Co Bayden, 2022 senesine mudafaa bücetini imzaladı, amma “2’ci Şimaliy aqımı” gaz borusına qarşı yañı sanktsıyalarından vesiqada vazgeçtiler. 
  • Rusiye Ukrainağa ücüm etse, AQŞ, RF dair yañı sanktsıyalı paketiniñ tez sürette qabul etüvine Avropa birligini iteler. 
  • Vitse-kantsler, Almaniyanıñ yañı alimiyetinde iqtisadiyat ve energetika naziri Robert Gaben ilân etkeni kibi, “2’ci Şimaliy aqımı”, geopolitik hatası olğanını ilân etti. Gaz borusınıñ areketke keçirüvine yöneliş tutqan evelki ükümetniñ  basqısı aqqında da bildirdi
  • Orta küz aynıñ 18 belli olğanı kibi, “2’ci Şimaliy aqımı” gaz borusınıñ ilk yipi, endi tehnikiy gazınen toldurılğan, ekinci yipniñ areketke ketirüvi, endi süre. 
  • “Gazpromda” ilân etkenleri kibi, ilk küz aynıñ 10 sabasına qadar “2’ci Şimaliy aqımı” gaz borusınıñ qurucılığı, bütünle bitirilecek.

Bizni Telegram’da oquñız