Bunı o Facebook saifesinde haber etti.

“2019 senesi men “Kiçik aynıñ 26 ceryanı” adlı kitabını yazdım.  Anda Qırımda olğan adiselerini,  Ahtem Çiygozğa qarşı mahkeme davanıñ başını tasvir etileler. Biz 2014 senesi kiçik aynıñ 26 vaqıalarnıñ misaline Qırımnıñ Rusiyenen işğal olğanını tafsilâtlı talil ettik”, - advokat yazdı.

Polozov haber etti ki,  kitabını daa 2020 senesi, baarde taqdim etmege niyet ete edi, lâkin koronavirus pandemiyası sebepten bunı yerine ketirmege çaresi yoq edi. Taqdim etüv endi Çernivtsı ve Lvov şeyerlerde keçti. Yanvar aynıñ 10 tedbir Ternopil şeyerinde keçecek.

Advokat ayttı ki,  kitabını onlayn sımarlamaq mümkün.

Malümat olaraq

• 2014 senesi kiçik aynıñ 26 Aqmescitte,  Yuqarı Şuranıñ yanında rus taraflı ve ukrain taraflı mitinglernıñ iştiraqçiları arasında çatışmalar keçtiler. Qırımtatar milliy Meclisnıñ vekilleri Qırımnıñ RF terkibine kirmenıñ qarşı çıqqan ediler. 
• Eki dane insan sıqıştırmarta elâk oldılar, 30 danesi zarar körgen ediler.  Qırımtatarlarnıñ qısımı Yuqarı Şuranıñ banasına kirdi, lâkin oturuşnı red ettiler ve qırımtatarlar kettiler.
• “Kiçik aynıñ 26” birinci qabaatlanğan insannen Meclis azası, milliy mebus Ahtem Çiygoz oldı.  2015 senesi, yanvar aynıñ 29 Çiygoz kütleviy çatışlarnıñ teşkil etüvine qabaatluv ile toqtatılğan edi. Soñ rus quvetçiler bu dava ile bir qas adamını toqtattılar. Tevqıfhaneden üç iştiraqçilırını kefalet ile azat ettiler, birisi qabaatluvnen razı oldı ve şartlı cezasını çekti.  
• 2019 senesi kiçik aynıñ 14 Ali Asanov ve Mustafa Degirmenci şartlı apis astında bulunğan ediler.  2017 senenin ekim ayında  Çiygoznı azat etip, Turkiyege yolladılar.

Bizni Telegram’da oquñız