İşğalciler Qara deñiz flotunıñ deñizcisini yaqaladı 

Глянько Катерина
·
12:19, 30 Oraqay
İşğalciler Qara deñiz flotunıñ deñizcisini yaqaladı 
Foto menbası: Kerch.one

İşğal etilgen Aqyarda işğalci FTH RF Qara deñiz flotunıñ deñizcisini yaqaladı. Haber etilgenine köre, o,  sanki ukrain arbiy istihbaratına  çalışqan. 

Bu aqta FTH matbuat hızmeti haber etmekte

“Aqyar şeerindeki RF Fedaral telükesizlik hızmeti tarafından Qara deñiz flotunıñ arbiy hadimi yaqalanıldı. O, gizli malümatnı toplap, Ukraina Mudafaa nazirliginiñ Baş istihbarat idaresine teslim etti”, - yazıla malümatta. 

Oña qarşı RF Ceza qanunnamesiniñ 275 maddesine binaen (devlet hainligi) cinayet davası açıldı. Arbiy hadim 12-20 yıl apis cezasına mahküm etile bile. 

Malümat olaraq

  • 2014 senesinden başlap, Rusiye ve işğal etilgen Qırımda Ukraina menfaatına casuslıq yapuvnen qabaatlanıp Ukraina ve Rusiye vatandaşları yaqalanıla. 
  • Rusiye Federal telükesizlik hızmeti, işğal etilgen Qırımğa Sivaş körfezinden keçmege tırışqan Ukraina vatandaşını tutqanını bildirdi.