Yıl içinde sıñırcılar işğal etilgen Qırımğa ve keri tarafına 660 biñden ziyade insannı kirsettiler
2021 senesi işğal etilgen Qırım ve qıtaiy Ukrainanen arasında olğan memuriy sıñırında ukrain sıñırcılar 663 biñ 213 şahıs ve 83 biñ 797 avtomobilni resmiyleştirdiler.
Bunıñ aqqında Ukraina Devlet sıñır hızmetiniñ Cenübiy vilâyet idaresiniñ Herson avlasında bildirdiler, haber ete Qırım.Aqiqatı.
Daa qayd etilgeni kibi, keçken yıl içinde ukrain sıñırcılar Ukraina territoriyasından çıquvında Ukrainanıñ 591 vatandaşına red ettiler ve Ukraina territoriyasına 484 ecnebiyni kirsetmediler.
Tafsilâtlıca oquñız: İşğal etilgen Qırımnen memuriy sıñırındaki KÇNN’nı yañı yıl bayramlar içinde 6 biñden ziyade insan keçken
“Eñ sıq Ukraina vatandaşlarğa pasport müddetiniñ bitü sebebinden çıqışta red etken ediler, balalarğa ise - pasport vesiqalarnıñ ya da ana-babasından biriniñ avale etilmesiniñ yoq oluvı sebebinden. Ecnebiylerine dair, olarğa çoqusınen Ukrainanıñ vaqtınca işğal etilgen territoriyalarnıñ ziyaret etilmesi, sahte pasport vesiqaları ve Ukraina territoriyasına kirmege yasağınıñ bar olması içün red ete ediler”, - denile beyanatta.
Bizni Telegram’da oqunız
