Bunıñ aqqında temsilcilik Facebook’ta bildire. 

“Milât-yañı yıl tatilleri - tek küç-quvetini almaq içün degil, yañı bir şeyni ögrenmek içün yahşı bir vaqtıdır. Aynı bunıñ içün Qırım Muhtar Cumhuriyetinde Ukraina prezidentiniñ vekilligi, siz içün Qırım aqqında meraqlı kitaplarnıñ sırasını azırlağan”, - denile beyanatta. 

Menba: Facebook/ QMC’de prezident vekilligi

Toplamğa kirgenler:

• ”Кримський інжир / Qirim inciri” neşriyatı (tertip eticeler - Alim Aliyev ve Anastasiya Levkova) - eñ yahşı eserlerden ibaret olğan kitaplarnıñ seriyası. Bu eserler Qırım evinen teşkil etilgen yarışına alıp berilgen ediler: ukrain ve qırımtatar tillerde, nesir ve şiiriyet  asıl nushalar ve tercimeler. 
• “Ğayıp etilgen yarımada. İşğal etilgen Qırımdan reportajlarnıñ kitabı” (müellif Natali Gümenük). O, vaqtınca işğal etilgen Qırımdan reportajlarnıñ toplamı, anda jurnalist Gümenük, 2014-2019 seneleri içinde ketken edi. Kitapta - 2014 seneden soñ ayatını deñiştirgen insanlarnıñ aqiqiy ikâyeler ve facialar, çünki o vaqıttan beri qırımlılarnıñ bazıları işğalde yaşay, bazıları - başqa ülkede. Türlü siyasiy ve mefküreviy baqışlarnen insanlar öz ikâyelerni tarif eteler. 
• “Kül renkli zonasınıñ” insanları”: 2014 senedeki Qırımnıñ rusiye işğaliniñ şaatları” neşriyatı (müellifleri Yelena Halimon, Anna Andriyevskaya) - Qırımnıñ rusiye işğali aqqında qayd etüvlerniñ toplamı, anda rusiye propagandası ile gizlingen ya da mahsus bozıp kösterilgen “qırım baariniñ” bu tarihiy qısmı aqqında söz kete. İkâyelerniñ yarım yüzden ziyadesi, yarımadanıñ işğali, sanki dersin, qansız olğanı ve “qırımlılar qarşı çıqmayıp, öz istegi ile Rusiyeni seçip alğanları” aqqında uydurmalarnı red ete. 
• “Kerimniñ Qırımı” neşriyatı, büyüklerge Qırım tarihınıñ facialı saifelerniñ daa teren añlaması içün balalarnen psihologik anleriniñ müzakere etilmesi içün doğru sözlerni tapmağa yardım eter. 
• “Mustafa Cemilev. Boysunmağan” kitabı (müellifleri - Sevgil Musayeva ve Alim Aliyev). Bu tarif etüvi, öz arasında sıqı bağda bılunğan Qırım ve Cemilevniñ ayatı aqqında malümattan ibaret. Serbest yaşayışı oğrunda bütün milletniñ küreşi aqqında tarif etken neşriyatta oquyıcı, 50 saat sürgen intervyü, jurnalist tetqiq etüvler, tarihiy vaqianameler ve arhiv fotoresimlerni (bazıları ilk sefer kösterilgen) tapar. 
• “Qırımnıñ zapt etüvi” - halqara cinayeti” monografiyası (müellif Aleksandr Zadorojnıy). O, Rusiye Federatsıyası ve Ukrainanıñ devlet suverenitetiniñ yañıdan tiklenden soñ (1991-2014 ss.) ve Qırımda rusiyr tecavuzı vaqtında “qırım meselesi” boyunca olarnıñ devletara birleşmesinen bağlı olğan munasebetlerniñ halqara-uquqiy tetqiq etüvidir. 

Bizni Telegram’da oquñız