Saba qara qış aynıñ 5 qadar Almatı soqaqlatında narazılıqçılarnıñ tahminen 6 biñ danesi qalğan edi, dep bildire “Radio Azattık”. Çarpışmalar başlağan soñ narazılıqçılar azbarlardan Baytursinov soqağına keçmege tırışa ediler. Böylece, polis, narazılıqçılarğa qarşı mahsus vastalarnı, ayrıca, yarıq-gürültüli granatalarnı qullandı. 

Almatı sağlıq qoruv departamentiniñ malümatlarına köre, çarpışmalar neticesinde tibbiy müessiselerine 190 şahıs muracaat etken, yaralanğanlarnıñ 40 soyu - hastahanege yatqızğan, olardan 7 - reanimatsıyada, olarnıñ arasında dört soyu - polis hadimi ola. Umumen, 137 quvetçi ve 53 grajdan şahısı yaralanğan. 

Qazahistannıñ İçki işler nazirliginde bildirgenleri kibi, qara qış aynıñ 5 qadar akimiyet vekiline, çapqınlıq ve devlet binalarına ücümine dair tecavuznıñ 13 aqiqatı boyunca makemeden evel yapılğan tahqiqatı başlanğan. Grajdan intizamnıñ bozuluvı içün 200 ziyade şahısını tutıp aldılar. 

Bunen beraber, Almatınıñ yerli akimiyeti, quvetçilerniñ areketlerini “ vaziyetniñ stabilleşmesi ve qanuniyetliginiñ temin etilmesine dair yapılğan tedbirleri” dep adladı.

Er şeyniñ başlanğan yeri

Narazılıqlar aqşam qara qış aynıñ 1 litr içün gaz fiyatı, 60 tengeden 120 tengege (7,53 grvn) köterilgeni sebebinden başladılar. Narazılıqlar Janaozen, Kurik ve Akşukur şeerlerinde başladılar. Eñ çoq insan, Aktau şeerinde toplandı: qara qış aynıñ üçünde, “Radio Azzattık”nıñ qararlarına köre, anda tahminen altı biñ insan buluna edi. Daa narazılıqar Nur-Sultan, Uralsk, Aktobe, Taraz, Şimkent, Kokşetau şeerlerini celp ettiler. 

Narazılıqçılar baştan tek gaz fiyatınıñ tüşürüvini talap etken olsalar, soñ olarnıñ talaplarnıñ sayısı artqan: olar daa qabarcılıqnı ve qudalığını yoq etmege, fabrikalar ve zavodlarnı qurıp işsizligini qısqartmağa isteyler.

Tedbir iştirakçıları Aktaunıñ esas meydanında “Ükümet istifası!”, ve “Şal, ket!” (“Qart, def ol!”) dep qıçıra ediler. Bu şiarnı sabıq prezidenti Nursultan Nazarbayevge dair siyasetten ketmege talabınen narazılıqlar vaqtında qullanalar. 

Akimiyetniñ istifa etüvi ve gaz fiyatınıñ tüşürüvi

Kütleviy narazılıqlar zemininde ülke baş naziri Askar Mamin istifağa ariza bergen. Onı prezident Kasim-Jomart Tokayev qabul etken. Qanunia binaen, baş nazirnen beraber bütün akimiyet de istifa etilgen edi.

Qazahistan prezidenti Tokayev ilân etkeni kibi, gaz fiyatınıñ köterilmesi sebebinden kütleviy narazılıqlat içün memurlar mesüliyetli olalar. 

Bundan da ğayrı, qara qış aynıñ 4 prezident, gaz fiyatınıñ 50 tengege qadar tüşürilmesi aqqında bildirdi. 

“Akimiyet, oña avale etilgen vazifeler çerçivelerinde ülkeniñ stabilligini temin etmek içün Mangistautsk vilâyetinde gaznıñ litr içün fiyatını 50 tengege qadar tüşürmege qararını qabul etken”, - yazdı Tokayev. 

Bizni Telegram’da oquñız