Çalgozovnıñ bildirüvinen videonı Facebook’ta “Qırım birdemligi” yayınladı. 

“10 daqiqañ bar, tüşün. Ayatıñ ya daa fena olur - apis etileceksiñ. Ya da biznen çalışıp yaşağan kibi yaşaycaqsıñ”, - alıntı ketire Çalgozov işğal quvetçilerniñ sözlerinden.

Çalgozovnıñ sözlerine köre, onı evden qırçmalarında ve arınmağan közlüklerde evden çıqarıp kettiler. Mağazda, Perevalnoye köyünde gaz borusınıñ patlavına dair suallerni qoyıp poligraf testini keçmegw mecbur ettiler. Bundan soñ kürsüge skotç ile baylap cinaiy davasınen qorqutmağa başladılar. Evge onı tek aqşam yiberdiler. 

O vaqıt Kurtumer Çalgozov, sorğu aqqında tafsilâtlıca tarif etmege istemegen edi. Amma aynı sebeplerden Eski Qırımda tutıp alınğan ve aqım ile işkencege oğratılğan Nariman Ametovnıñ bildirüvinden soñ rusiye mahsus hızmetlerniñ basqısından qaçınmaq içün neni yapmağa mecbur olğanını haberdar etmege qarar bergen. 

Tafsilâtlıca oquñız: Qırımtatar faali Nariman Ametov, işğalcılarğa işkenceler aqqında tarif etti

Cinaiy davasınıñ telükesi astında FTH’nen işdeşligi aqqında vesiqanı imzalağanını tarif etti, amma “satqın olmağa istemegeni” aqqında halq ögünde ilân etti.

Belli olğanı

• Sali kunü, ayriliq ayniñ 14  Qirimniñ şarqinda, Kefe tarafinda Primorskoe koünde işğal quvetçiler 23-yaşindaki Kurtumer Çalgozov Qirimtatarini toqtattilar. Saat 05:15 oniñ evine tintüv keçirdiler, o uç saat devam etti. Soñra onı azat ettiler. Erkekni qırımtatar halqnıñ Meclis baş muavini Nariman Celâlovnıñ davasında sorğuğa çeke ediler. 

Bizni Telegram’da oquñız