Bunıñ aqqında menbağa atıf etip Politico neşriyatı bildire. 

Qayd etilgeni kibi, gaz borusına dair sıñırlamalarını köz ögünde tutqan qanun leyhasınıñ qabul etüvi içün senatorlarnıñ 100’den 60 reyi kerek olacaq. Vesiqağa dair rey berüvi, qara qış aynıñ 14 olıp keçecek. 

Tafsilâtlıca oquñız: Rusiye, Avropa haritasını quvet ile deñiştirse, onı sanktsıyalar bekley - Finlândiya TİN

“Bu rey berüvinde ekseriyeti ile ğalebe qazanacağımız”, - ilân etti cumhuriyetçilerinden senatordakilerinden biriniñ baş yardımcısı.

Senatnıñ qabul etüvinden soñ qanun leyhası, vekiller palatasına keçecek, soñra ise - prezidentniñ imzasına. Lâkin devlet başı sanktsıyalarnı kirsetmege red etse, bunı Kongress yapıp olır, denile vesiqada. 

Belli olğanı 

• Keçken yılnıñ ilk qış ayında AQŞ prezidenti Co Bayden, 2022 senesine mudafaa bücetini imzaladı, amma “2’ci Şimaliy aqımı” gaz borusına qarşı yañı sanktsıyalarından vesiqada vazgeçtiler. 
• Rusiye Ukrainağa ücüm etse, AQŞ, RF dair yañı sanktsıyalı paketiniñ tez sürette qabul etüvine Avropa birligini iteler. 
• Vitse-kantsler, Almaniyanıñ yañı alimiyetinde iqtisadiyat ve energetika naziri Robert Gaben ilân etkeni kibi, “2’ci Şimaliy aqımı”, geopolitik hatası olğanını ilân etti. Gaz borusınıñ areketke keçirüvine yöneliş tutqan evelki ükümetniñ  basqısı aqqında da bildirdi. 
• Orta küz aynıñ 18 belli olğanı kibi, “2’ci Şimaliy aqımı” gaz borusınıñ ilk yipi, endi tehnikiy gazınen toldurılğan, ekinci yipniñ areketke ketirüvi, endi süre. 
• “Gazpromda” ilân etkenleri kibi, ilk küz aynıñ 10 sabasına qadar “2’ci Şimaliy aqımı” gaz borusınıñ qurucılığı, bütünle bitirilecek.

Bizni Telegram’da oquñız