Ukrainada AB elçisi, Qırımnı diplomatiyasınen qaytarmağa Kiyevniñ ıntıluvlarına qol tutqan
Ukrainada Avropa birliginiñ elçisi Matti Maasikas, Qırımnıñ deokupatsıyasına dair ukrain akimiyetiniñ diplomatik ıntıluvlarını doğru dep adladı.
Bunıñ aqqında o, “Rubrik” intervyüsinde aytqan.
“AB’de daa çoq “Qırım platforması” adlı ukrain teşşebbüsini qayd ettiler, o ise - pek müim. Kene de, ömüriniñ ilk 25 yılını işğal etilgen Kezlevde keçirip ğarbiy ülkelerniñ çoqusı, Şuralar Birligine Baltıq ülkelerniñ qoşuluvını tanımadılar. O, ne manasona kelgenini yahşı hatırlayım. Bu ülkelerniñ diplomatları Baltıqta şuralar cumhuriyetlerni resmiy tarzda ziyaret etip olamay ediler, devlet başlarnıñ ziyaretleri bar edi, episi bu”, - haber etti Maasikas.
Tafsilâtlıca oquñız: AB diplomatiya başı, Ulrainağa iş ziyaretinen kelecek
Qayd etkeni kibi, şimdi “Qırımda şiddetli sanktsıyalı rejimi areket ete”.
“Menimce, Qırımnıñ qanunsız işğaline daa çoq siyasiy diqqatını celp etmek içün ukrain idaresi, diplomatik ve siyasiy derecelerni kötermege qarar berip doğru etken”, - dep qoştı Maasikas.
Belli olğanı
- Finlândiya tışqı işler naziri Pekka Haavisto, Kremlni şiddetli iqtisadiy sanktsıyalarnen qorquttı. Rusiye, Ukrainağa ücüm etse, ya da faal gibrid areketiniñ ameliyatını başlasa, öyle olacaq.
- AQŞ prezidenti Cozef Bayden ve Ukraina prezidenti Vladimir Zelenskiy, qara qış aynıñ 2 telefon müzakeresini keçirdiler. Olar ukrain-rusiye sıñırındaki vaziyetiniñ ilerideki kerginleşüvine izin bermemesi meselesini, Avropada barışıqlıqnıñ saqlaması boyunca umumiy areketlerini ve Ukrainadaki islâatlarnı müzakere ettiler.
- Rusiye Ukrainağa ücüm etse, AQŞ, RF dair yañı sanktsıyalı paketiniñ tez sürette qabul etüvine Avropa birligini iteler.
Bizni Telegram’da oquñız