Rusiye, Avropa haritasını quvet ile deñiştirse, onı sanktsıyalar bekley - Finlândiya TİN
Finlândiya tışqı işler naziri Pekka Haavisto, Kremlni şiddetli iqtisadiy sanktsıyalarnen qorquttı. Rusiye, Ukrainağa ücüm etse, ya da faal gibrid areketiniñ ameliyatını başlasa, öyle olacaq.
Bunı Yle bildire.
“Vaqialar eñ fena stsenariyine köre olunmağa başlasalar Ğarp, elbet de, ilâve iqtisadiy sanktsıyalar ile cevap berecek. Böyle olmaz dep işanmağa isteymiz”, - dedi Haavisto.
O qayd etkeni kibi, Moskva, “Avropa haritasını quvet ile deñiştirmege başlasa”, onı sanktsıyalar bekley.
Tafsilâtlıca oquñız: NATO esas maqsadi - RF Ukrainağa ucüminiñ musaadesizligi - Estoniya TIN başi
“Amma taraflardan biri, quvetniñ qullanuvı ile Avropa haritasını deñiştirmege ve başqa devletlerniñ suverenitetine qarışmaşa başlasa, cevap olaraq ilk afımı, şiddetli iqtisadiy sanktsıyalar olacaqlar”, - qayd etti Finlândiya TİN başı.
Belli olğanı
- AQŞ prezidenti Cozef Bayden ve Ukraina prezidenti Vladimir Zelenskiy, qara qış aynıñ 2 telefon müzakeresini keçirdiler. Olar ukrain-rusiye sıñırındaki vaziyetiniñ ilerideki kerginleşüvine izin bermemesi meselesini, Avropada barışıqlıqnıñ saqlaması boyunca umumiy areketlerini ve Ukrainadaki islâatlarnı müzakere ettiler.
- Blinken Frenkistan, Almaniya ve Britaniya TIN başlarinnen Rusiyeniñ tecavuzina cevabini muzakere etti.
- Rusiye Ukrainağa ücüm etse, AQŞ, RF dair yañı sanktsıyalı paketiniñ tez sürette qabul etüvine Avropa birligini iteler.
Bizni Telegram’da oquñız