Bunıñ aqqında akimiyetiniñ qararında denile. 

Qayd etilgeni kibi, FMP yerine “Qırım Cumhuriyeti ya da Aqyar şeeriniñ içtimaiy-iqtisadiy inkişafı” devlet programmasını kerçekleştirecekler. 

“2014 senesi arman aynıñ 11’den Rusiye Federatsıyasınıñ ükümetiniñ qararınen qabul etilgen 2022 senesi qara qış aynıñ 1’den “2025 senesine qadar Qırım Cumhuriyeti ve Aqyar şeeriniñ içtimaiy-iqtisadiy inkişafı” federal maqsatlı programmasınıñ eda etilmesini vaqtından evel toqtatmağa”, - denile vesiqada. 

Akimiyet, FMP devlet sumarıcılatına bu programmanıñ kerçekleştirüvi içün tizilgen muqavele ve añlaşmalarnı eda etmege avale etken. 

Belli olğanı 

• “Qırım Cumhuriyeti ya da Aqyar şeeriniñ içtimaiy-iqtisadiy inkişafı” devlet programmasını 2019 senesi qara qış ayında tayin etilgen edi. Qayd etilgeni kibi, onıñ esas maqsadı, “Qırımnıñ içtimaiy-iqtisadiy artta qaluvı ve orta rusiye seviyesine yaşayış keyfiyetiniñ alıp ketirilmesi” ola. 

Bizni Telegram’da oquñız