Rusiyeniñ tutuvı, Avropadaki tınçlığı ve oligarh sistemasınıñ yoq etüvi. Zelenskiy ve Bayden telefon vastası ile ne aqqında laf ete ediler
AQŞ prezidenti Cozef Bayden ve Ukraina prezidenti Vladimir Zelenskiy, qara qış aynıñ 2 telefon müzakeresini keçirdiler. Olar ukrain-rusiye sıñırındaki vaziyetiniñ ilerideki kerginleşüvine izin bermemesi meselesini, Avropada barışıqlıqnıñ saqlaması boyunca umumiy areketlerini ve Ukrainadaki islâatlarnı müzakere ettiler.
“Prezident Bayden, Qoşma Ştatlar, olarnıñ ittifaqdaşları ve ortaqları Rusiye Ukrainağa ücümini devam etse, qatiy olaraq cevap berecekler dep añlatıp oldı”, - bildirdi Beyaz evniñ matbuat hızmeti.
Liderler strategik stabilligine dair eki taraflama müzakeresi boyunca diplomatik quvetleri ile destegini bildirdiler.
Tafsilâtlıca oquñız: Kuleba, Rusiye, “telükesizlik kefaletler” aqqında talaplarınen nege irişmek istegenini añlattı
Daa Bayden, “Ukrainasız Ukraina aqqında bir şey olmaz” ümdesine AQŞ ve olarnıñ ittifaqdaşlarnıñ tarafdarlığını qayd etti.
“Ukrainanıñ territorial bütünligine ve suverenitetine ve Donbasstaki kerginleşüviniñ yoq etüvi içün işançlığınıñ pekitilüv tedbirlerine ve Normand formatınıñ destegine Minsk añlaşmalarnıñ kerçekleşüviniñ ilerilevi içün faal diplomatiyasına Qoşma Ştatlarnıñ destegini bildirdi”, - haber ettiler Beyaz evde.
Soñra Zelenskiy şunı haberdar etti ki, amerikalı işdeşinen Ukraina, AQŞ ve Avropada barışıqnıñ saqlaması boyunca ortaqlarnıñ umumiy areketlerni, ilerideki kerginleşüvine izin bermemezligi, islâatlar ve oligarh sistemasınıñ yoq etüvini müzakere etti.
“Yılnıñ ilk halqara müzakeresi, münasebetlerimizniñ ayrı hususiyetini isbatlay. Deñişmez destegine (Ukrainağa yapılğan destegine) qıymet kesemiz”, - yazdı o Twitter’de.
Öz nevbette, prezident ofisiniñ reberi Andrey Yermak qayd etkeni kibi, “Ukraina ve AQŞ yuqarı seviyesindeki bağlarnıñ sıqlığı, emsal olmağan destegi ve añlaşuv aqqında ayta”.
Belli olğanı
- İlk qış aynıñ 30 Bayden, Rusiye prezidenti Vladimir Putinnen telefon müzakeresini keçirdi, onıñ içinde amerikalı lideri Rusiyeni Ukrainanen kerginliginiñ toqtatuvına çağırıp Ukrainağa ücüm etecek olğan alda qatiy cevabı aqqında ihtar etti. Prezidentler arasında olğan müzakereler tahminen 50 daqiqa süre edi.
- İlk qış aynıñ 29 AQŞ devlet kâtibi Entoni Blinken, prezident Vladimir Zelenskiynen telefon müzakeresini keçirip Qoşma Ştatlarnen Ukrayinanıñ territorial bütünligine, birdemligine ve mustaqiligine deñişmez destegini tasdıq etti.
- İlk qış aynıñ 9 AQŞ prezidenti Co Bayden, rusiye lideri Vladimir Putinnen onlayn körüşüvinden eki künden soñ aqşam Vladimir Zelenskiynen telefon müzakeresini keçirdi. Zelenskiy ve Bayden Donbasstaki vaziyetiniñ tertiplevini, NATO’da Ukrainanıñ azalıq meselesini ve “2’ci Şimaliy aqımını” müzakere ettiler.
Bizni Telegram’da oquñız
