Işğal etilgen Qirimda ve Aqyar şeerinde yanvar ayniñ 2 avasi bozulacaq, furtunalı tenbi çiqarildi
Qorucilar tenbi ettiler ki, işğal etilgen Qirimda ve Aqyar şeerinde yanvar ayniñ 2 avasi bozulacaq. Kündüz yağmur yağacaq, soñ o sılaq qarğa çevirilecek. Ğarbiy Qirimdan ğayri episi vilyaetlerde zengin yağanaqlar ve 25 m/s yel beklenelecek. Işğal FVH insanlarini evlerine qalmağa çağirta.
Buni işğal Gidrometmerkezi ve Aqyar şeerniñ FVH haber ettiler.
“Aqyardaki gidrometeorologiya ve etraftaki müitniñ nezaret hizmetniñ malümatlarina kore, yanvar ayniñ 2 ava bozulacaq. Furtunali yelniñ telükesi sebepten tişqa çiqmasindan özüni tutmaq kerek. Kuçlü yel sebepten elektrosinirlarniñ bozuvi, terekler yiqilmasi, yaramay qurulğan yapılışlarniñ bozuvi ola bile. Demek, boyle avada binalarniñ divarlarina, tereklerniñ, reklama qalqanlarniñ ve direklerniñ tübünde turmaq ve deñizde yaldamaq mumkün degil”, - şeerniñ işğal FVH haber etti.
“Gidrometmerkezinin” malümatlarina kore, Qirimda yanvar ayniñ 2 avasi bozulacaq - yağmur yağacaq, soñ o sılaq qarğa ve buzlavuqqa çevirilecek
Aqmescitte bulutlı ava olacq, qar yağacaq. Gece ve kündüz ava arareti 0° yaqin olacaq. Bazarertesi künü, yanvar ayniñ 3 ava arareti +8 qizacaq.
Aqyarda yanvar ayniñ 2 yağmur yağacaq ve 15-20 m/s kuçlü yel qayd etilecek. Gece ve kündüz ava arareti +6…+8° olacaq.
Bizni Telegram’da oquñız
