Buni "IPC Genіçesk" teşkilâtinnen keçirilgen metbuatkonferentsiyada muzakere ettiler.

Herson sinir avlâniñ metbuat hizmetniñ reberi Ivan Şevtsov aytqanina köre, bayramliq künler KÇNN areketlerine tesir etmecekler, kiriş-çiqiş nazar noqtalari adiy rejimde çalişacaqlar.

Qirim Muhtar  Cumhurietinde insan aqlarniñ mudafaa suallerden  Ukraina Yuqari Şuraniñ Idareciniñ vekili Іrina Verіgіna malümat berdi ki, yanvar ayniñ 1, 2 ve 7 KÇNN ekspress-test ve aşiluv noqtalari areket etmecekler.  Bayramliq künleri devaminla işğal etilgen yirimadaniñ sakinderi Geniçesk şeerniñ ve Kalançak qasabaniñ hastahanelerine yardim almağa ola bileler.

“Çongar”, ve “Kalançak”  KÇNN olğan memuriy hizmet etüv merkezleri qisqa iş künü devaminda çalişacaqlar. Uyğun cedvel ile Devlet migratsiya hizmetniñ hadimleri de çalişacaqlar.

Daa oquñiz: Ukraina özizolâtsiyani ve “Diya”qayd etüvini Donbastaki ve işğal etilgen Qirimdaki KÇNN red etti

Bizni Telegram’da oquñız