Blinken Frenkistan, Almaniya ve Britaniya TIN başlarinnen Rusiyeniñ tecavuzina cevabini muzakere etti
09:49, 30 Aralıqay
Foto menbası: peoples.ru
AQŞ devletkâtibi Entoni Blinken Frenkistan, Almaniya ve Britaniya TIN başlarinnen - Jan-Iv Le Drian, Annalena Berbok ve Elizabet Trass ile Rusiyeniñ Ukrainağa qarşi devamli tecavuzina ortaq cevabini ve areketlerini muzakere etti.
Buni AQŞ Devlet departamentniñ saytina haber ettiler.
“Olar Rusiyeniñ Ukrainağa qarşi tecavuzniñ devam etse, ortaq areketlerini, kelecek diplomatik adimlerini ve Rusiye içün ciddiy neticelerniñ teminlevini muzakere ettiler”, - haberde aytila.
Belli olğani
- Ukraina sinirlarniñ yaninda erleşken rus ordulari sebebinden AQŞ öz aviataşicisini Aq deñizde qaldiracaqlar.
- AQŞ vitseprezidenti Kamala Garris beyan etti ki, Ştatlar Rusiye prezidentini Volodimir Putinni tenbilediler ki, eger RF qarşi Ukrainağa qarşi yañi tecavuziy areketlerini başlasa, AQŞ yañi sanktsiyalarini qayd etmege azir. Areketteki memuriette vitseprezident tiş siyasiy suallerini tasvir etmey. Bu Ukrainağa qarşi rus tecavuzi sebebinden birinci beyanati ola.
- Buük Britaniya RF duşman devletler cedveline qoşti.
- AQŞ Rusiyeniñ Ukrainağa miqyas ucumniñ telükesi sebebinden Avropa birligini RF qarşi yañi sanktsiyalar paketini qabul etmege aşiqtiralar.
- “Büyük yedilik” (G7) devlet azaları, Ukrainağa rusiye arbiylerni kirsetecek alda RF prezidenti Vladimir Putinge rastkelecek olğan “ciddiy masraflarına” dair bir fikirge keldiler.
- Avropali Komissiyaniñ başi Ursula fon der Lyaen beyan etti ki, eger Rusiye Ukraiğa qarşi tecavuziy areketlerini devam etse, oña qarşi miqyas sanktsiyalar endi azir.
Bizni Telegram’da oquñız