Cenk olğan alda RF, Ukrainanıñ cenübine basqısı içün Azaq deñizdeki imtiyazını qullanacaq - Kuleba
13:22, 26 Aralıqay
Foto menbası: МЗС
Ukraina tışqı işler naziri Dmitriy Kuleba tüşüngeni kibi, cenk olğan alda devletimizniñ cenübiy şeerlerine basqısı içün qullanılacaq olğan Rusiye Federatsıyasınıñ, Azaq deñizde arbiy ceetinden imtiyazı bar.
Uyğun arizani o, The Washington Post’nıñ intervüsinde seslendirdi.
“Telükesizlik tarafından Azaq deñizde Rusiye üstün ola, - dep ayttı Ukraina baş diplomatı. - Cenk olğan alda ise olar Azaq yalısındaki cenübiy şeerlerimizge basqısı içün faal tarzda qullanılacaqlar”.
Tafsilâtlıca oquñız: Rusiye, Qırımnıñ işğalinden soñ QF gemilerniñ miqdarını üç kerege artqan - Ukraina ADQ
Kulebanıñ sözlerine köre, bugün “Rusiye, Azaqta vaziyetini idare etip onı arbiy areketlerniñ teatrı kibi qullana”.
Belli olğanı
- Rusiye arbiyleri, işğal etilgen Qırımda Qara deñiz flotnıñ taqım terkibiniñ toplavını keçirdiler.
- Cuma kunü ayriliq ayniñ 10 Rusiye Federatsiyasi Azaq deñizde gemi areketniñ sinirlavi aqqinda tenbiler çiqardi. Netidjede Azaq deñiz akvatoriyaniñ 70% azat gemi areketi içün qapatilğan oldi.
- The Guardian neşriyatı, britaniyalı istihbarattaki menbalarına atıf etip şimdi ukrain sıñırı yanında RF ordusınıñ tahminen 175 biñ arbiy hızmetçisi bulunğanını ve Rusiye, arbiy ücümi içün üç stenariyni baqqanını yaza.
Bizni Telegram’da oquñız
