Bunıñ aqqında Teymur Abdullayev, anasına müddetli körüşüvinde  tarif etti, bildire Qırım birdemligi. 

Qayd etilgeni kibi, cezalav taqiqat tevqifhanesinden qattı nizamlı şaraitlernen barağına, Teymur Abdullayevniñ sözlerine köre, onı ilk qış aynıñ 18alıp keçirdiler. Bu sefer tect etüvinde 55 kün keçirdi. 

Dilâra Abdullayev qayd etkeni kibi, oğlunen kötüşüvdr oña sıcaq şeylerni alıp berdiler. Taqiqat tevqifhanesinde bulunğanına köre, cezahane hadimleri onıñ kamerasında tintüv keçirip oña özüne almağa yasaq etilgen şeylerni çöplükke attılar. 

Cezahanede müddetli bulunuvı, onıñ sağlığına tesir etken. Dilâra Abdullayeva, oğlunıñ hasta alına diqqat çekti: qara cigerinde meseleler aqqında bildirgen sarı köz aqıları. Teymur, arqada ve büyreklerdeki ağrısına şikâyet etti.  

“Uzviyetniñ zeerlenüv ve suvsuzlaşuvı birden körüne”, - dep tüşüne Dilâra Abdullayeva.  

Onıñ sözlerine köre, cezahane memuriyetinen beş yıl içinde körüşip olamağan Teymurnıñ ömür arqadaşınıñ körüşüvge kelüv meselesini müzakere etti. Körüşüv, belki de, qara qış aynıñ 25’den soñ olıp keçecek. 

Belli olğanı 

• Qırımtatar siyasiy mabusı Teymur Abdullayevniñ anası Dilâra, Ukraina prezidenti Vladimir Zelenskiy ve RF prezidenti Vladimir Putinni onıñ oğlusınen bağlı vaziyetini öz nezareti astına alıp oña tibbiy yardımnıñ berilmesi içün kerek olğan bütün tedbirlerni qullanmağa rica etken. Onıñ oğlusı, CTT’de tibbiy yardımsız can bere bile dep qorqa. 
• 2019 senesi kiraz aynıñ 18 Rostov-na-Donudaki Şimaliy-Kavkaz arbiy bölge makemesi, Rustem İsmailovnı 14 yılğa , Ayder Saledinov ve Emil Cemadenovnı 12 yılğa azatlıqtan marum etüvine mahküm etti. Daa Teymur ve Üzeir Abdullayev ağa-qardaşları 17 ve 13 yılğa mahküm etilgen ediler. İlk qış aynıñ 24 RF Yuqarı Şurası, Abdullayevniñ ükümini yarım yılğa “yımşatqan”.
• 2020 senesi oraq aynıñ ortasında Abdullayevlerniñ anası, onıñ oğlusı Teymur Abdullayevniñ aqlarınıñ bozuluvına dair insan aqları boyunca BMT Yuqarı komissarınıñ idaresine şikâyetini yollağan.

Bizni Telegram’da oquñız